სახელმწიფო უსაფრთხოების სამსახურის ანტიკორუფციულმა სააგენტომ, წინასწარი შეთანხმებით ჯგუფის მიერ დიდი ოდენობით ქრთამის აღების ბრალდებით, წალენჯიხის მუნიციპალიტეტის მერიის თანამშრომლები - ქონების მართვის განყოფილების უფროსი თემურ მებონია და ამავე განყოფილების სპეციალისტი, ბ. ძ. დააკავეს.
ახალი ამბები
მკითხველის რჩეული
- 1 სუს-ის ყოფილი უფროსი გრიგოლ ლილუაშვილი რეგიონული განვითარების მინისტრად აღარ დანიშნეს
- 2 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 3 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 4 გადაალაგეს, სუს-იც თან გაატანეს არჩევნების გაყალბების ფუნქციით - მეზვრიშვილი ლილუაშვილზე
- 5 რა წერია უცხოური გრანტების წინააღმდეგ „ქართული ოცნების“ კანონპროექტში
- 6 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
უსაფრთხოების სამსახურის ინფორმაციით, გამოძიებით დადგენილია, რომ ბრალდებულებმა წალენჯიხის მუნიციპალიტეტის დაბა ჯვარში მდებარე 1550 კვ/მ მიწის ნაკვეთის აუქციონზე გამოტანის სანაცვლოდ, მოქალაქეს ქრთამის სახით მოსთხოვეს და გამოართვეს 20 000 ლარი.
ანტიკორუფციული სააგენტო საქმეს სისხლის სამართლის კოდექსის 338-ე მუხლის მეორე ნაწილის „ბ“ და „გ“ ქვეპუნქტებით იძიებს. დანაშაული 7-დან 11 წლამდე ვადით თავისუფლების აღკვეთას ითვალისწინებს.
წალენჯიხა საქართველოში 64 მუნიციპალიტეტს შორის ერთადერთია, რომელსაც ოპოზიციონერი მერი ჰყავს. წალენჯიხის მერს გიორგი ხარჩილავას თანამშრომლების დაკავებასთან დაკავშირებით კომენტარი არ გაუკეთებია. მერის პირველმა მოადგილემ, ივანე ბურდულმა „საქართველოს ამბებს“ უთხრა, რომ საქმის დეტალები მან არ იცის. მისივე თქმით, თემურ მებონია დაახლოებით 40 წელია რაც მერიაში მუშაობს.
