Կդժվարանայի՞նք այնպես անել, որ հավաքականի գոնե կեսը մեզ աջակցող գրառումներ տեղադրեր․ Մդինարաձե

Մդինարաձեի խոսքով՝ մի քանի հայտնի մարդիկ, որոնք քննադատել են այսպես կոչված «օտարերկրյա գործակալների մասին» ռուսական օրենքը, առանց այդ էլ նրանք «Ազգային շարժման» կողմնակիցներ են։

«Մենք մեր կողմնակիցներին չենք ասում, որ նման հայտարարություններ անեն։ Մենք չենք խառնում նրանց։ Այդ թվում ֆուտբոլիստներին էլ եմ խնդրում, մի քանիսին շատ լավ գիտեմ՝ տղերք, ձեր գործին նայեք, որում չեմպիոն եք, շատ ուժեղ եք ու իրոք հերոսներ եք։ Մենք էլ չենք ուզում։ Եկեք կանգ առնենք։ Այս մարդիկ պետք է շատ կարճ ժամանակ անց հանդես գան Եվրոպայի առաջնությունում և պետք է աջակցություն ստանան ողջ Վրաստանի կողմից։ Նրանք չեն կարող բաժանվել մասերի: Ինչ-որ մեկը կարող է մեզ չաջակցել, կամ ինչ-որ մեկը կարող է մեզ աջակցել, ինչ-որ մեկը մեր ընկերն է:

Լևան Կոբիաշվիլին մեր ընտանիքի անդամն է բոլոր իմաստներով և նրանցից ոչ մեկին չի համարձակվում և չի ասում աջակցության մասին։ Կդժվարանայի՞նք այնպես անել, որ ​​հավաքականի գոնե կեսը դուրս գար ու աջակցող գրառումներ տեղադրեր, մեզ համար դժվա՞ր կլիներ։ Մենք չենք համարձակվում ու հանգիստ թողեք այս ֆուտբոլիստներին»,- ասել է Մդինարաձեն։

Ռուսական օրենքին դեմ են հանդես գալիս նաև թատրոնի դերասաններ, երգիչներ, մարզիկներ։ Ապրիլի 9-ին Վրաստանի հավաքականի և իսպանական «Լևանտե» ֆուտբոլային ակումբի կիսապաշտպան Գիորգի Քոչորաշվիլին Instagram սոցիալական ցանցում լուսանկար է հրապարակել Թբիլիսիում անցկացված՝ «Այո Եվրոպային», ոչ ռուսական օրենքին» ակցիայից, որտեղ երևում է նրա զարմուհին՝ ԵՄ դրոշը ձեռքին։ Ֆուտբոլիստի այս պահվածքը ընկալվել է որպես ակցիային աջակցություն։ Մի քանի ժամից անհետացել է Գիորգի Քոչորաշվիլիի Instagram-ի էջը։ Ֆուտբոլիստի հայրը՝ Ռոին Քոչորաշվիլին, նույն լուսանկարն է տարածել Ֆեյսբուքում և գրել, որ «Վրաստանի ճանապարհը դեպի Եվրոպա է»։ Նա դիմել է նաև լրատվամիջոցներին. «Շատ լրագրողներ են զանգահարում։ Կներեք չպատասխանելու համար։ Մեր դիրքորոշումն այստեղ ֆիքսված է, ես կյանքով եմ պատասխանատու, դիրքորոշումն անփոփոխ է»։

Ապրիլի 10-ին Թբիլիսիի քաղաքապետ և «Վրացական երազանքի» առաջնորդներից Կախա Կալաձեն լրագրողներին ասել է, որ Ռոին Քոչորաշվիլիի հայտարարության մեջ զարմանալի ոչինչ չկա, քանի որ նա «նաց է, Գախարիայի կուսակցության ներկայացուցիչ»։ Սոցցանցի օգտատերերը Կալաձեին հիշեցրել են, որ ինքը տարբեր ժամանակներում եղել է «Միացյալ ազգային շարժման» առաջնորդ Միխեիլ Սաակաշվիլիի և նախկին վարչապետ Գիորգի Գախարիայի կողմնակիցը։ Այս ֆոնին ազգային հավաքականի խաղացող Սաբա Կվիրկվելիան իր աջակցությունն է հայտնել Կախա Կալաձեին և Instagram-ի իր սթորիում հրապարակել նրա հետ արված լուսանկարը։

Վարչապետ Իրակլի Կոբախիձեն նույնպես ընդդիմությանը մեղադրում է վրացական սպորտն ու արվեստը «իրենց քաղաքական կեղտի մեջ» խառնելու «ակտիվ փորձերի» մեջ։