Նախատեսվում է փոփոխություններ կատարել «Կուտակային կենսաթոշակի մասին» օրենքում, ըստ որի՝ կուտակային կենսաթոշակային համակարգում գտնվող անձանց կողմից ռիսկային պորտֆելների ընտրության ժամկետը կերկարաձգվի մինչև 2028 թվականի հունվարի 1-ը։ Մեկ միլիոն 400 հազար քաղաքացի ավտոմատ կերպով կմնա ցածր ռիսկային պորտֆելում և ցանկության դեպքում կփոխի պորտֆելը։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
Վրաստանի «Կուտակային կենսաթոշակի մասին» օրենքը ուժի մեջ է մտել 2018 թվականի օգոստոսի 6-ից, և օրենքի ընդունումից հետո առաջին 5 տարիների ընթացքում քաղաքացիների կենսաթոշակային խնայողությունները ներդրվել են միայն ավելի քիչ ռիսկային ներդրումային պորտֆելներում։ 5 տարի ժամկետը լրացել է այս տարվա օգոստոսի 6-ին։
Կենսաթոշակային գործակալությունը քաղաքացիներին հորդորել է մինչև սեպտեմբերի 6-ը գնալ արդարադատության տներ կամ գործակալության սպասարկման կենտրոններ և ցանկության դեպքում փոխել իրենց պորտֆելները։ Այն քաղաքացիները, որոնք իրենք չէին ընտրելու ցանկալի պորտֆելը, ավտոմատ կերպով բաշխվելու էին տարբեր պորտֆելների՝ ըստ իրենց տարիքի։
- Սխեմային միանալու պահին 40 տարեկանից ցածր մասնակցի կենսաթոշակային ակտիվները բաշխվելու էին աճող [բարձր ռիսկային] ներդրումային պորտֆելում,
- Սխեմային միանալու պահին 40-ից 50 տարեկան մասնակցի կենսաթոշակային ակտիվները՝ խառը [միջին ռիսկի] ներդրումային պորտֆելում,
- 50 և 50 տարեկանից բարձր մասնակցի կենսաթոշակային ակտիվներ՝ կայուն [ցածր ռիսկային] ներդրումային պորտֆելում:
Խորհրդարանի ֆինանսաբյուջետային հանձնաժողովի նախագահ Պաատա Կվիժինաձեի խոսքով, օրենքի նախագիծը, որը մինչև ընթացիկ տարվա սեպտեմբերի 6-ը սահմանված ժամկետը երկարացնում է մինչև 2028 թվականը, Առողջապահության հանձնաժողովը պետք է երկրորդ ընթերցմամբ քննարկի սեպտեմբերի 4-ին։
«Գործնականում այդ բաժնետոմսերը կներդրվեն Apple-ում, Google-ում կամ այլ ձեռնարկություններում, դրանք չեն կորչի։ Մենք որոշում ենք կայացրել, որը կարող է ճիշտ լինել, բայց այդպես չի կարելի անել։ Առաջին հերթին թոշակառուներին պետք է հարցնել, այսինքն՝ բոլորը լինեն երաշխավորված ցածր ռիսկային խմբում։ Եթե Կենսաթոշակային գործակալությունը, Ազգային բանկը, էկոնոմիկայի նախարարությունը միջոցներ ձեռնարկեն գովազդի կամ այլ տեսքով և ժողովրդին բացատրեն, թե ինչ է կատարվում, և մարդիկ հավատան՝ խնդիր չկա։ Հիմա նման բան չկա։
Բնակչությունը պատրաստ չէր, և այս հարցը կարող էր թյուրիմացության պատճառ դառնալ։ Դրա համար մենք սկսեցինք քննարկել նոր օրենքի նախագիծը, որն արդեն ընդունվել է առաջին ընթերցմամբ։ Երկրորդ քննարկումը կանցկացվի Առողջապահության կոմիտեում սեպտեմբերի 4-ին, և այն հավանաբար կընդունվի մինչև սեպտեմբերի վերջ»,- ասել է Կվիժինաձեն։
