2008-ի ռուս-վրացական պատերազմը հետաքննելու և «Ազգային շարժման» վրա պատասխանատվություն դնելու համար «Վրացական երազանքը» կարող է դիմել Սահմանադրական դատարան։ Այս մասին հայտարարել է Վրաստանի վարչապետ Իրակլի Կոբախիձեն։ Նրա նշած իրավական գործիքներից են դիմումը դատախազություն և խորհրդարանական քննիչ հանձնաժողովի ստեղծումը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Իրավական ձևը կարող է տարբեր լինել։ Դա կարող է լինել, օրինակ, դիմում դատախազություն, կարող է լինել խորհրդարանական քննիչ հանձնաժողով, կարող է լինել դիմում Սահմանադրական դատարան, բոլորը կարող են օգտագործվել միասին, կարող է օգտագործվել կոնկրետ գործիք։ Այս ամենի մասին հանրությունը տեղեկատվություն կստանա, բայց գլխավորն այն է, որ 2008 թվականի հանցագործությունը, որը կատարել է Սաակաշվիլիի ռեժիմը, «Ազգային շարժման» ռեժիմը, պետք է ամբողջությամբ հետաքննվի», - ասել է վարչապետը։
Հարցին, թե ինչու է «Վրացական երազանքը» խոսում պատերազմի հետաքննության մասին հիմա՝ 12 տարի կառավարումից հետո և ընտրություններից 2 ամիս առաջ, Կոբախիձեն ասել է, որ պատասխանը «շատ պարզ է»։
«Գիտեք, որ Հաագայում և Ստրասբուրգում դատավարություններ եղան, որտեղ մեզ համար շատ կարևոր էր հաղթել։ Վրաստանն ու վրացական բանակը մեր կառավարության ջանքերով հաղթեցին այս գործընթացներում։ Մասնավորապես, Հաագայում և Ստրասբուրգում հաստատվել է, որ վրացական բանակը չի խախտել մարդու իրավունքները և չի կատարել ռազմական հանցագործություններ։ Սա սկզբունքային հաղթանակ է, որը մենք ձեռք ենք բերել մեր կառավարության ջանքերով։ Ինչ վերաբերում է բուն պատերազմի հետաքննությանը, այդ թվում՝ պատերազմի մեկնարկի խնդրին և այլն, ապա գիտեք, որ «Ազգային շարժումն» այս կապակցությամբ արդեն դիրքորոշում է ձևավորել, մասնավորապես՝ «Ազգային շարժումը» ստորագրել է ԵԽ-ի որոշումը, ըստ որի նրանք են սկսել Օգոստոսյան պատերազմը։ Բացի այդ, այս դիրքորոշման հետ համաձայն է «Ազգային շարժման» նախագահ Սալոմե Զուրաբիշվիլին, ով գործնականում վարել է 2018 թվականի քարոզարշավը այս հարցի շուրջ։ Նա պնդում էր, որ պատերազմը սկսել է հենց Սաակաշվիլին։ Այսինքն՝ «Ազգային շարժման» ու նրանց նախագահի դիրքորոշումն այս առումով համաձայնեցվել են։ Նրանք հայտարարեցին ու փաստագրեցին, որ պատերազմն իրենք են սկսել, բայց այս ամենը պետք է հաստատել։ Տեսնենք, թե ինչ կպարզի [հետաքննությունը]։ «Ազգային շարժման» և ՌԴ կառավարության հաղորդագրությունները համընկնում են միմյանց հետ։ Երկուսն էլ ասացին, որ պատերազմը սկսել է Սաակաշվիլիի կառավարությունը 2008 թվականին»,- ասել է Իրակլի Կոբախիձեն։
2022 թվականի վերջին Հաագայի միջազգային քրեական դատարանը հայտարարել է 2008 թվականի ռուս-վրացական պատերազմի հետաքննության ավարտի մասին և բացառել Վրաստանի կողմից կատարված ցանկացած խախտում։
16 տարի տարի է անցել Օգոստոսյան պատերազմից, որի ժամանակ զոհվել է Վրաստանի 228 խաղաղ բնակիչ և 14 ոստիկան։ Պաշտպանության նախարարության տվյալներով՝ զոհվել է 169 զինծառայող, վիրավորվել՝ 1747 մարդ։ 150 000 մարդ լքել է իր տունը, նրանցից 30 000-ը մինչ օրս տեղահանվածի կարգավիճակ ունի։ Պատերազմի արդյունքում Վրաստանը կորցրել է վերահսկողությունը 189 գյուղերի նկատմամբ, 125 բնակավայր մինչ օրս օկուպացված է Ռուսաստանի կողմից։
