Քութայիսիի քաղաքապետ Իոսեբ Խախալեիշվիլին հայտարարել է, որ լքում է պաշտոնը։ Ինչպես նա է ասել՝ մնում է «Վրացական երազանքի» թիմում և աշխատանքը կշարունակի Թբիլիսիում։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
«Ես կշարունակեմ ծառայել իմ քաղաքին ու երկրին այլ պաշտոնում։ Ես ստեղծման օրվանից եղել եմ կառավարող թիմի անդամ, ավելի քան 10 տարի աշխատել եմ պետական ծառայությունում՝ տարբեր առաջատար պաշտոններում, և սա լավագույն հնարավորությունն էր այս տարիների ընթացքում մեր քաղաքի համար գործեր անելու համար։
Ելնելով ստեղծված քաղաքական իրավիճակից՝ ես կզբաղվեմ կուսակցական գործունեությամբ և կշարունակեմ աշխատանքը Թբիլիսիում»,- ասել է Խախալեիշվիլին։
Նրա խոսքով՝ «երկիրը կանգնած է շատ կարևոր, պատմական ընտրության առջև», և ինքը կփորձի այլ կերպ ծառայել երկրին։
Իոսեբ Խախալեիշվիլին Քութայիսիի քաղաքապետ է ընտրվել 2021 թվականի հոկտեմբերի 30-ին տեղի ունեցած տեղական ինքնակառավարման մարմինների ընտրությունների արդյունքում։ Նրա պաշտոնավարման ժամկետը լրանալու էր 2025 թվականին։ Մինչ քաղաքապետ ընտրվելը Խախալեիշվիլին Իմերեթիի փոխնահանգապետն էր։
Իոսեբ Խախալեիշվիլիի հրաժարականից հետո Քութայիսիի քաղաքապետի լիազորությունները կիրականացնի առաջին տեղակալ Դավիթ Էրեմեիշվիլին, իսկ հերթական ընտրությունները կանցկացվեն հաջորդ տարի։
