ქუთაისის მერმა, იოსებ ხახალეიშვილმა განაცხადა, რომ თანამდებობა დატოვა. როგორც მან განაცხადა, „ქართული ოცნების“ გუნდში რჩება და მუშაობას თბილისში გააგრძელებს.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„ჩემი ქალაქის და ქვეყნის სამსახურს უკვე სხვა რანგში გავაგრძელებ. მმართველი გუნდის წევრი ვარ მისი დაარსების დღიდან, საჯარო სამსახურში 10 წელზე მეტი ვიმუშავე სხვადასხვა წამყვან თანამდებობაზე და ეს იყო საუკეთესო შანსი, ამ წლების განმავლობაში მეკეთებინა საქმე ჩვენი ქალაქისთვის.
არსებული პოლიტიკური ვითარებიდან გამომდინარე, პარტიული საქმიანობით დავკავდები და მუშაობას თბილისში გავაგრძელებ“, - განაცხადა ხახალეიშვილმა.
მისივე თქმით, „ქვეყანა ძალიან მნიშვნელოვანი, ისტორიული არჩევანის წინაშე დგას“ და ეცდება, ქვეყანას სხვა ფორმით ემსახუროს.
იოსებ ხახალეიშვილი ქუთაისის მერად 2021 წლის 30 ოქტომბრის ადგილობრივი თვითმმართველობის არჩევნების შედეგად აირჩიეს. მას უფლებამოსილების ვადა 2025 წელს ეწურებოდა. მერად არჩევამდე ხახალეიშვილი იმერეთის გუბერნატორის მოადგილე იყო.
იოსებ ხახალეიშვილის გადადგომის შემდეგ ქუთაისის მერის უფლებამოსილებას პირველი მოადგილე დავით ერემეიშვილი შეასრულებს, მომავალ წელს კი მორიგი არჩევნები ჩატარდება.
