Լեհաստանի Հանրապետության Սենատը միաձայն որոշում է ընդունել Ռուսաստանի Դաշնության իշխանությունը ահաբեկչական ռեժիմ ճանաչելու մասին։ Լեհաստանի Սենատը ևս մեկ անգամ դատապարտում է Ռուսաստանի ագրեսիան Ուկրաինայում և կոչ է անում բոլոր երկրներին, որոնք աջակցում են խաղաղությանը, ժողովրդավարությանը և մարդու իրավունքներին, ընդունել նույն որոշումը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Սենատի տեղեկատվության համաձայն՝ սենատորները նշել են, որ 2022 թվականի փետրվարի 24-ին Ռուսաստանի կողմից սկսված դաժան պատերազմի նպատակն ինքնիշխան երկիրը քարտեզից ջնջելն ու ուկրաինացիներին ոչնչացնելն է։ Նրանք ընդգծում են, որ Ուկրաինայի քաղաքացիների կողմից իրենց անկախության հերոսական պաշտպանությունը հիացմունք է ներշնչել ողջ ազատ աշխարհին։
«Ուկրաինան այսօր ամենակարևոր վայրն է, որը պաշտպանում է ժողովրդավարությունն ու ազատությունը։ Ռուսական համազգեստ հագած ավազակները բռնազավթված տարածքներում խոշտանգում և սպանում են ռազմագերիներին և խաղաղ բնակիչներին։ Նրանք առևանգում են ուկրաինացի երեխաներին, որպեսզի նրանց դաստիարակեն որպես ռեժիմի ենիչերիներ։ Նրանք արտաքսում են Ուկրաինայի քաղաքացիներին, վտարում ու ուղարկում Ռուսաստանի հեռավոր ծայրամասերը։
Պետական ահաբեկչության այս բոլոր գործողությունները մեզ ծանոթ են պատմության դասագրքերից։ Եվրոպացիները հավատում էին, որ իրենց այլևս երբեք չեն սպառնա ցեղասպանությամբ և ռազմական հանցագործություններով։ Մինչդեռ նախագահ Վլադիմիր Պուտինը և նրա բռնության մեքենան վերադարձել են ստալինյան և նացիստական ռեժիմների դաժան գործելակերպին: Այդ իսկ պատճառով Ռուսաստանին պետք է պարտության մատնել և զրկել հարևանների համար վտանգ ստեղծելու հնարավորությունից»,- ասված է բանաձևում։
Սենատը կոչ է անում միջազգային հանրությանը լիովին աջակցել Միջազգային քրեական դատարանին, որը հետաքննում է ուկրաինացիների դեմ կատարված հանցագործությունները։
Սենատորներն ընդգծել են նաև, որ ռուսական ագրեսիայի պայմաններում ընդդիմության և իշխանության դիրքորոշումների միջև տարբերություն չկա։ «Մենք բոլորս Լեհաստանի խաղաղ Հանրապետության քաղաքացիներ ենք, որը դարեր առաջ միանշանակ և հաստատակամորեն ասել է ռուսական իմպերիալիզմին, և այսօր էլ ասում է՝ ո՛չ»,- ասել է սենատոր Միխաու Կամինսկին։
Հոկտեմբերի 13-ին Եվրախորհրդի Խորհրդարանական վեհաժողովը (ԵԽԽՎ) ընդունել է Ռուսաստանին ահաբեկչական ռեժիմ հռչակող բանաձև։ Վեհաժողովը Եվրախորհրդի անդամ երկրներին կոչ է արել արագացնել հատուկ միջազգային տրիբունալի ստեղծումը, Ռուսաստանի այժմյան ռեժիմը ճանաչել որպես ահաբեկչական և Ուկրաինային տրամադրել հակաօդային պաշտպանության անհրաժեշտ համակարգեր։ Ավելի ուշ՝ հոկտեմբերի 18-ին, Էստոնիան Ռուսաստանը ճանաչել է որպես ահաբեկչական ռեժիմ։ Լիտվան և Լատվիան Ռուսաստանը ճանաչել են որպես ահաբեկչությանը աջակցող պետություն։
