Ռուսաստանի կողմից օկուպացված Ցխինվալիի շրջանի դե ֆակտո իշխանությունները ապօրինի պատիժը կրելուց հետո բանտից ազատ են արձակել Ռուսթավի քաղաքի բնակիչ, 37-ամյա Լևան Պետրիաշվիլիին։ Դե ֆակտո դատարանի կողմից նա այսպես կոչված սահմանն ապօրինի հատելու համար դատապարտվել էր 7 ամսվա ազատազրկման։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Վրաստանի Պետական անվտանգության ծառայության տվյալներով՝ Լևան Պետրիաշվիլիին անօրինական բանտարկությունից ազատելու գործընթացում ակտիվորեն կիրառվել է «թեժ գծի» մեխանիզմը։ Անօրինական կալանքից նրա անհապաղ ազատման հարցը պարբերաբար բարձրացվել է Վրաստանի կենտրոնական կառավարության կողմից Միջադեպերի կանխարգելման և արձագանքման մեխանիզմի (IPRM) և Ժնևի միջազգային քննարկումների ձևաչափերով։
Լևան Պետրիաշվիլիի ազատ արձակման մասին տեղեկություն է տարածել նաև օկուպացված Ցխինվալիի դե ֆակտո անվտանգության կոմիտեն։ Հայտարարության համաձայն՝ 37-ամյա Լևան Պետրիաշվիլին, ընթացիկ տարվա տարվա գարնանը, Ցխինվալիի մերձակայքում ոչ սթափ վիճակում դիտավորյալ հատել է այսպես կոչված պետական սահմանը։ Դե ֆակտո դատարանը նրան դատապարտել է 7 ամսվա ազատազրկման և պատիժը կրելուց հետո նա ազատ է արձակվել։
Ցխինվալիի բանտում այժմ անօրինական կալանքի տակ են գտնվում Վրաստանի 5 քաղաքացիներ՝ Լաշա Խեթերելին, Պետրե Կալաշնիկովը, Գիորգի Դարչիաշվիլին, Վասիկո Կենկաձեն և Գիորգի Մոսիաշվիլին։
