Մեծ Բրիտանիայի արտաքին գործերի պետքարտուղար Ջեյմս Քլեվերլին Վրաստանից մեկնելուց առաջ հանդիպել է վրացի լրագրողների հետ։ Քլեվերլին կենտրոնացել է անկախ լրատվամիջոցների կարևորության վրա և ասել, որ այս հարցը քննարկվել է նաև այցի շրջանակներում տեղի ունեցած տարբեր հանդիպումների ժամանակ։
Լրահոս
Սոխումիի օդանավակայանի հարակից տարածքից նախատեսվում է տեղահանում, ինչի հետ որոշ աբխազներ համաձայն չեն
Սպասում եմ ԱՄՆ դեսպանության պարզաբանմանը, թե արդյոք վերացվել է դատավոր Չխիկվաձեի պատժամիջոցը․ Պապուաշվիլի
2023 թվականին ծնելիությունը նվազել է 5%-ով, ամենաքիչ երեխաներ ծնվել են Ռաճա-Լեչխումիում և Քվեմո Սվանեթիում
Ընթերցողի ընտրանի
- 1 Մինչև 2011 թվականի հուլիսի 1-ը թողարկված լամինացված նույնականացման քարտերը կչեղարկվեն
- 2 21-ամյա կնոջ սպանության մեջ մեղադրվողը ձերբակալվել է
- 3 Սաակաշվիլին բանտում գտնվող քաղաքական հակառակորդ չէ, նա Նավալնին չէ․ Զուրաբիշվիլին
- 4 Ինչպիսի՞ն կլինի օդանավակայանը, որը նախատեսվում է կառուցել Թելավիում
- 5 Նիկա Գվարամիան հեռանում է «Մթավարի արխիից» և 12 տոկոս բաժնեմասը փոխանցում է կնոջը
- 6 ԵՄ-ին միանալուց հետո քաղաքացիները կօգտվեն աշխատանքային լիարժեք իրավունքներից. Հերչինսկի
«Այո, մենք քննարկել ենք լրատվամիջոցների ազատությունը, քանի որ կարծում եմ, որ դա ինքնավստահ կառավարության հիմնական բնութագրիչներից է, ինչպես նաև գործող ժողովրդավարության կարևոր մասն է: Դուք պետք է ունենաք մրցունակ քաղաքական միջավայր, ինչպես նաև ազատ, արդար և բաց հասարակություն: Լրատվամիջոցների ազատությունն այս հարցում որոշիչ դեր ունի:
Մենք կոնկրետ անձանց մասին չխոսեցինք, բայց ես ընդգծեցի, որ ազատ և անկախ արդարադատությունը, ինչպես նաև թափանցիկ դատական գործընթացները չափազանց կարևոր են։ Մեծ Բրիտանիան ցանկանում է, որ Վրաստանը լինի ուժեղ ժողովրդավարական երկիր՝ եվրոպական երկրների և կազմակերպությունների հետ ավելի արագ ինտեգրման հասնելու համար»,- ասել է Քլեվերլին։
Երեկ Մեծ Բրիտանիայի արտաքին գործերի պետքարտուղարը հանդիպել է վարչապետ Իրակլի Ղարիբաշվիլիի, արտաքին գործերի նախարար Իլիա Դարչիաշվիլիի և քաղաքացիական հասարակության ներկայացուցիչների հետ։
«Հարցը, որը նա բարձրացրեց, այն էր, թե ինչպես Միացյալ Թագավորությունը կարող է օգնել Վրաստանի և երկրի ժողովրդավարական զարգացմանը։ Ես խոսեցի Ռուսաստանից եկող սպառնալիքների մասին, այն մասին, որ վրաց ժողովրդի և կառավարության հռետորաբանությունն ու նպատակները լիովին հեռացել են իրարից: Հատկապես Ուկրաինայի վրա Ռուսաստանի հարձակումից հետո կառավարության հռետորաբանությունը շատ է նմանվել ռուսականին»,- ասել է նախկին հանրային պաշտպան Նինո Լոմջարիան։
«Մեդիայի ազատության խնդիրները նրանց՝ մեր գործընկերների համար շատ կարևոր թեմա են։ Խոսեցինք լրատվամիջոցների շատ ծանր միջավայրի, ռուսական օրենսդրության և այն վտանգների մասին, որոնք այս օրենքը ներկայացնում էր հատկապես լրատվամիջոցների համար։ Մենք խոսեցինք Նիկա Գվարամիայի քաղաքական բանտարկության, ինչպես նաև լրագրողների աշխատանքի պայմանների մասին, որոնցում նրանք հաճախ դառնում են ֆիզիկական կամ բանավոր բռնության զոհ», - ասել է Բաց հասարակության հիմնադրամի մեդիա ծրագրերի ղեկավար Խատիա Ջինջիխաձեն։
Ջեյմս Քլեվերլին Վրաստան կատարած այցի շրջանակներում այցելել է օկուպացիոն գծի մոտ գտնվող Օձիսի գյուղ։ Նրա խոսքով, 2008 թվականին Ռուսաստանի ագրեսիան Վրաստանում և նրա շարունակական ներկայությունը Հարավային Օսիայում և Աբխազիայում առաջացրել են մարդկային շատ խորը տառապանքներ, բաժանված ընտանիքներ, սահմանափակ մուտք դեպի նախնիների հողեր և կրոնական սրբավայրեր:
Քլեվերլին ասել է, որ Հարավային Օսիան և Աբխազիան Վրաստանի անբաժանելի մասն են, և Միացյալ Թագավորությունը կշարունակի աջակցել Վրաստանի ինքնիշխանությանը և տարածքային ամբողջականությանը։