ՄԱԿ-ի գլխավոր քարտուղար Անտոնիու Գուտերեշը ժամանել է BRICS-ի պետությունների ղեկավարների գագաթնաժողովին, որն անցկացվում է Ռուսաստանի Դաշնության Թաթարստանի մայրաքաղաք Կազանում, որին մասնակցում է նաև Վլադիմիր Պուտինը։ Ուկրաինան խստորեն քննադատել է Գուտերեշի որոշումը։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
- 6 «Մենք գիտենք, թե դա ինչ է». Ալիևը՝ Վրաստանում ոչ կառավարական կազմակերպությունների ֆինանսավորման մասին
«ՄԱԿ-ի գլխավոր քարտուղարը մերժել է Ուկրաինայի հրավերը Շվեյցարիայում անցկացված առաջին գլոբալ խաղաղության գագաթնաժողովին, սակայն միաժամանակ ընդունել է ռազմական հանցագործ Պուտինի հրավերը Կազանի գագաթնաժողովին։ Սա սխալ ընտրություն է, որը չի նպաստում խաղաղության գործին։ Սա միայն վնաս է հասցնում ՄԱԿ-ի հեղինակությանը»,- ասված է Ուկրաինայի արտաքին գործերի նախարարության հայտարարության մեջ։
Կազան կատարած այցի նախօրեին Գուտերեշի պաշտոնական ներկայացուցիչ Ֆարհան Հակը հայտնել է, որ ՄԱԿ-ի գլխավոր քարտուղարը պատրաստվում է հանդիպել ՌԴ նախագահի հետ։ Հարցին, թե ինչ է նախատեսում ասել Անտոնիու Գուտերեշը Վլադիմիր Պուտինին, Հակը ասել է, որ կհաստատի «իր հայտնի դիրքորոշումները» պատերազմի և Ուկրաինայում արդար խաղաղության պայմանների վերաբերյալ՝ հիմնված ՄԱԿ-ի կանոնադրության, միջազգային իրավունքի և ՄԱԿ-ի բանաձևերի վրա: Բացի այդ, Գուտերեշը կխոսի Սև ծովում անվտանգ նավարկությունը վերականգնելու անհրաժեշտության մասին, ինչը կարևոր է համաշխարհային պարենային և էներգետիկ անվտանգության համար, հատկապես աշխարհի ամենախոցելի երկրների համար։
Գուտերեշը վերջին անգամ Ռուսաստան է այցելել 2022 թվականի ապրիլին՝ Ուկրաինայի դեմ լայնամասշտաբ պատերազմի սկսվելուց անմիջապես հետո։ Պուտինի հետ բանակցություններից հետո նա ժամանել է Կիև և հանդիպել նախագահ Վլադիմիր Զելենսկու հետ։
BRICS-ի գագաթնաժողովն անցկացվում է Կազանում հոկտեմբերի 22-ից 24-ը։ Գագաթնաժողովի շրջանակներում Վլադիմիր Պուտինն արդեն հանդիպել է Չինաստանի նախագահ Սի Ցզինպինի, Հնդկաստանի վարչապետ Նարենդրա Մոդիի, Հարավաֆրիկյան Հանրապետության նախագահ Սիրիլ Ռամաֆոսայի և Եգիպտոսի առաջնորդ Աբդել Ֆաթահ Էլ-Սիսիի հետ։ Նա կհանդիպի նաև Իրանի և Թուրքիայի նախագահներ Մասուդ Փեզեշքիանիի և Ռեջեփ Թայիփ Էրդողանի հետ։ Գագաթնաժողովին մասնակցում են Վենեսուելայի նախագահ Նիկոլաս Մադուրոն և Ադրբեջանի նախագահ Իլհամ Ալիևը։
BRICS-ը միջկառավարական կազմակերպություն է, որը ստեղծվել է 2006 թվականին։ Հապավումն առաջացել է 5 երկրների անունների առաջին տառերից՝ Բրազիլիա, Ռուսաստան, Հնդկաստան, Չինաստան, Հարավային Աֆրիկա։ BRICS-ի նպատակն է տնտեսական մրցակցության մեջ մտնել Հյուսիսային Ամերիկայի և Արևմտյան Եվրոպայի զարգացած երկրների հետ և հասնել համաշխարհային տնտեսության գերակայության։ 2024 թվականի հունվարից կազմակերպության անդամ են դարձել Եգիպտոսը, Իրանը, Եթովպիան, Սաուդյան Արաբիան և Արաբական Միացյալ Էմիրությունները։
