Ադրբեջանի պետությունը պաշտոնական դիմում է ներկայացրել BRICS-ին միանալու համար։ Այս մասին հայտարարել է երկրի արտաքին գործերի նախարարության խոսնակ Այհան Հաջիզադեն։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 «Մենք գիտենք, թե դա ինչ է». Ալիևը՝ Վրաստանում ոչ կառավարական կազմակերպությունների ֆինանսավորման մասին
BRICS-ը միջկառավարական կազմակերպություն է, որը ստեղծվել է 2006 թվականին։ Հապավումն առաջացել է 5 երկրների անունների առաջին տառերից՝ Բրազիլիա, Ռուսաստան, Հնդկաստան, Չինաստան, Հարավային Աֆրիկա։ BRICS-ի նպատակն է տնտեսական մրցակցության մեջ մտնել Հյուսիսային Ամերիկայի և Արևմտյան Եվրոպայի զարգացած երկրների հետ և հասնել համաշխարհային տնտեսության գերակայության։ 2024 թվականի հունվարից կազմակերպության անդամ են դարձել Եգիպտոսը, Իրանը, Եթովպիան, Սաուդյան Արաբիան և Արաբական Միացյալ Էմիրությունները։
Մինչ BRICS-ին անդամակցելու հայտ ներկայացնելը, Ռուսաստանի նախագահ Վլադիմիր Պուտինը օգոստոսի 18-19-ը պետական այցով եղել է Ադրբեջանում։
BRICS-ին անդամակցելու Ադրբեջանի ցանկությունը սատարում է նաև Չինաստանը։ Այս մասին ասված է Ադրբեջանի և Չինաստանի միջև ռազմավարական գործընկերության հաստատման մասին համատեղ հռչակագրում, որն ընդունվել է հուլիսի 3-ին Ղազախստանի մայրաքաղաք Աստանայում կայացած Շանհայի համագործակցության կազմակերպության գագաթնաժողովում։
BRICS-ի հաջորդ գագաթնաժողովը կանցկացվի հոկտեմբերի 22-24-ը Ռուսաստանի Թաթարստանի Հանրապետության մայրաքաղաք Կազանում։
