«Մեկամյա մագիստրոսական ծրագիրը կունենա մեկ կարևոր նորամուծություն, որ ընդունվել հնարավոր կլինի առանց ազգային քննությունների։ Եթե դիմորդը ցանկանում է դրամաշնորհ ստանալ, ապա միայն այս դեպքում նա պետք է քննություններ հանձնի»,- ասել է Վրաստանի կրթության և գիտության նախարար Գիորգի Ամիլախվարին։
Լրահոս
Ընթերցողի ընտրանի
- 1 Եվրոպական խորհրդարանը 490 ձայնով ընդունել է Վրաստանի վերաբերյալ ևս մեկ քննադատական բանաձև
- 2 8 եվրոպական առաջարկություն, որոնց չկատարումը կարող է հանգեցնել վիզայի ազատականացման կասեցմանը
- 3 Գախարիայի կուսակցությունը և «Լելոն» ստորագրել են հուշագիր ընտրությունների վերաբերյալ
- 4 Եվրահանձնաժողովը նամակ է պատրաստում Վրաստանի համար վիզայի ազատականացումը կասեցնելու վերաբերյալ․ Յոզվյակ
- 5 FTM. «Իմեդի»-ի սեփականատեր Իրակլի Ռուխաձեի չորս բիզնեսները գրանցված են Նիդերլանդներում
- 6 Զատուլինի խոսքով՝ այս կառավարության օրոք Վրաստանը ստիպված կլինի մոռանալ ԵՄ-ին և ՆԱՏՕ-ին միանալու մասին
Համալսարանները հնարավորություն կունենան կրճատել բիզնեսի վարչարարության/կառավարման մագիստրոսական ծրագրերի տևողությունը՝ դարձնելով մեկ տարի։ Ըստ այդմ՝ ուսանողները 120-ի փոխարեն պետք է հավաքեն 60 կրեդիտ։
Նախարարի խոսքով՝ մեկամյա ծրագիրը կունենա «որոշակի սահմանափակումներ»։ Օրինակ՝ մագիստրոսի որակավորում ստանալուց հետո անձը չի կարողանա շարունակել ուսումը դոկտորական մակարդակում։
Փոփոխությունները վերաբերում են նաև բակալավրիատի կրթական ծրագրին։ Կրթության նախարարի հրամանի համաձայն՝ բուհերը բիզնեսի կառավարման ուղղությամբ կկարողանան իրականացնել առնվազն 180 կրեդիտանոց բակալավրիատի կրթական ծրագրեր։ Այսօր բակալավրիատներն առնվազն 240 կրեդիտանոց են, որոնք ուսանողները կուտակում են չորս տարվա ընթացքում։
Կրթության նախարարի խոսքով՝ բուհերը չեն սահմանափակվելու և իրենք են որոշելու՝ եռամյա բակալավրիատ կիրականացնեն, քառամյա, թե երկուսն իրար հետ։
«Մենք առաջին փուլում միայն բիզնես ծրագրերի համար հնարավորություն ենք բացում ներդնելու եռամյա բակալավրիատ։ Սակայն ես այստեղ հայտարարում եմ, որ մենք դրանով կանգ չենք առնելու և հնարավորության դեպքում կշարունակենք աշխատել տարբեր ուղղություններով»,- նշել է Ամիլախվարին։
Նրա խոսքով՝ փոփոխությունները լիովին համապատասխանում են եվրոպական և ամերիկյան պրակտիկային։
