„ერთწლიან სამაგისტრო პროგრამას ექნება ერთი მნიშვნელოვანი სიახლე, რომ შესაძლებელი იქნება ეროვნული გამოცდების გარეშე ჩაბარება. თუ ჩაბარების მსურველს სურვილი ექნება, გრანტი მოიპოვოს, მხოლოდ ამ შემთხვევაში მოუწევს გამოცდებზე გასვლა“, - ამის შესახებ საქართველოს განათლებისა და მეცნიერების მინისტრმა, გიორგი ამილახვარმა განაცხადა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
უნივერსიტეტებს შეეძლებათ, ბიზნესის ადმინისტრირების/მართვის სფეროში სამაგისტრო პროგრამების ხანგრძლივობა ერთ წლამდე შეამცირონ. შესაბამისად, სტუდენტებს 120-ის ნაცვლად, 60 კრედიტის მოგროვება მოუწევთ.
მინისტრის თქმით, ერთწლიან პროგრამას „გარკვეული შეზღუდვებიც“ ექნება. მაგალითად, მაგისტრის კვალიფიკაციის მიღების შემდეგ პირი ვერ შეძლებს სადოქტორო საფეხურზე სწავლის გაგრძელებას.
ცვლილებები შეეხება საბაკალავრო საგანმანათლებლო პროგრამასაც. განათლების მინისტრის ბრძანების მიხედვით, უმაღლესი საგანმანათლებლო დაწესებულებები ბიზნესის ადმინისტრირების მიმართულებით ბაკალავრიატის არანაკლებ 180-კრედიტიანი საგანმანათლებლო პროგრამების განხორციელებას შეძლებენ. დღეს საბაკალავრო პროგრამები არანაკლებ 240 კრედიტიანია, რასაც სტუდენტები ოთხი წლის განმავლობაში ითვისებენ.
განათლების მინისტრის განმარტებით, უნივერსიტეტები არ შეიზღუდებიან და თავად გადაწყვეტენ, სამწლიანი საბაკალავრო პროგრამა განახორციელონ, ოთხწლიანი თუ ორივე ერთად.
„შესაძლებლობას ვხსნით, რომ სამწლიანი საბაკალავრო პროგრამა პირველ ეტაპზე მხოლოდ ბიზნესის მიმართულების პროგრამებისთვის შემოვიღოთ. თუმცა, აქვე ვაანონსებ, რომ ამით არ გავჩერდებით და გავაგრძელებთ სხვადასხვა მიმართულებებზეც მუშაობას, სადაც ეს შესაძლებელი იქნება“, - აღნიშნა ამილახვარმა.
მისი თქმით, ცვლილებები სრულად არის თანხვედრაში ევროპულ და ამერიკულ პრაქტიკასთან.
