Մեր ազգի պատմական ընտրությունը պետք է գնահատվի բոլորի կողմից. Սաբա սրբազան

«Կցանկանայի արձագանքել մեր հայրենիքում տեղի ունեցող վերջին իրադարձություններին և հայտնել իմ անձնական դիրքորոշումը։

Որպես Վրաստանի քաղաքացի և որպես Վրաստանի եկեղեցու քահանայապետ՝ ես համարում եմ, որ մեր ազատատենչ ազգի և ժողովրդի պատմական ընտրությունն է, որ Վրաստանը լինի եվրոպական ընտանիքի ու քաղաքակրթության լիիրավ անդամ և անբաժանելի մասը, այն պետք է գնահատվի բոլորի կողմից։

Նման բևեռացման պայմաններում, երբ մեր անքուն թշնամին չի դադարում հասարակությունը երկու մասի բաժանելու փորձերը, ես անընդունելի եմ համարում հապճեպ որևէ որոշում կայացնելը, ավելին, ֆոնին, երբ մեր երկրի բոլոր գործընկեր երկրների և միությունների ղեկավարները մեզ կոչ են անում ավելի շատ մտածելու և վերլուծելու, թե ինչ կարող է հանգեցնել նոր օրենքի նախագծի ընդունմանը։

Նշեմ, որ նախորդ տարի կառավարության որոշումը՝ օրենքը հետ կանչելու մասին ողջ բնակչության մեծամասնության կողմից դրական է գնահատվել, ինչը, ես կասեի, անհրաժեշտ և ողջամիտ որոշում էր։ Հիմա էլ, մեր հաջորդ սերնդի նախաձեռնած առողջ բողոքի պայմաններում, հույս ու հավատ ունեմ, որ մենք կտեսնենք ի շահ երկրի եվրոպական ապագայի արված քայլ, որը հասարակության համախմբման կենսական անհրաժեշտություն է և երկրի պայծառ ապագան»,- սոցցանցում գրել է սրբազան Սաբան։

Չնայած հասարակական բողոքներին և Վրաստանի ռազմավարական գործընկերների կողմից արտահայտված մտահոգություններին՝ «Վրացական երազանքը» այսպես կոչված գործակալների մասին օրենքի նախագիծը քննարկում է խորհրդարանի լիագումար նիստում և այսօր կփորձի ընդունել առաջին ընթերցմամբ։ Եվրոպական խորհրդի նախագահ Շառլ Միշելն ասել է, որ «Օտարերկրյա ազդեցության թափանցիկության մասին» օրենքի նախագիծը չի համապատասխանում Վրաստանի եվրոպական նկրտմանը, նրա անդամակցության հետագծին և կհեռացնի Վրաստանը Եվրամիությունից, այլ ոչ թե կմոտեցնի նրան»։

«Վրացական երազանքը» վերադարձրեց այսպես կոչված օտարերկրյա գործակալների մասին օրենքի նախագիծը, որը մերժվել էր մեկ տարի առաջ՝ մարտին, հանրային լայնածավալ բողոքի ակցիաների արդյունքում։ Այն ժամանակ իշխանության կողմից եղել էր խոստում, որ օրինագիծն «անվերապահորեն, առանց որևէ պայմանի» է հետ կանչվել խորհրդարանից։ Օրենքի նախագծի տեքստը նույն է՝ միայն «օտարերկրյա ազդեցության գործակալ»-ը փոխարինվել է «օտար ուժի շահերը կրող կազմակերպություն» եզրույթով։ Իշխող կուսակցությունը մտադիր է ռուսական օրենքը ընդունել մինչև գարնանային նստաշրջանի ավարտը, թեև դա կարող է վնասել Վրաստանի եվրաինտեգրման գործընթացին։ Նախագահ Սալոմե Զուրաբիշվիլին վետո կդնի օրենքի վրա, բայց «Վրացական երազանքը» կարող է հաղթահարել այն։