Վրաստանի խորհրդարանի նախագահ Շալվա Պապուաշվիլին «Վրացական երազանքի» գրասենյակում կայացած ճեպազրույցում ասել է, որ ընտրությունների մոտենալուն զուգահեռ ընդդիմությունը ստիպված կլինի խոսել ժողովրդի հետ։ Պապուաշվիլիի խոսքով՝ զարմանալի չի լինի, եթե ընդդիմության ներկայացուցիչներից «պատասխան պահանջեն»։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
«Մի՞թե զարմանալի կլինի, եթե կախեթցիները գինուն հայհոյելու համար ընդդիմությունից պատասխան պահանջեն։ Մի՞թե զարմանալի կլինի, եթե աջարացիները պատասխան պահանջեն ընդդիմությունից զբոսաշրջիկներին ձվեր նետելու համար։ Մի՞թե զարմանալի կլինի, եթե Ռուսաստանում ընտանիքի անդամներ ունեցող վրացիները պատասխան պահանջեն ընդդիմությունից օդանավակայանում պիկետ անելու համար։ Ի վերջո, անկախ նրանից, թե որ քաղաքը, որ գյուղը և որ թաղամասն են գնում, զարմանալի՞ է, որ նրանցից պատասխան են պահանջվելու այն բանի համար, որ նրանք զոհաբերել են մարդկանց պատերազմի, ավերածությունների և մահվան համար»,- ասել է Պապուաշվիլին։
Խորհրդարանի նախագահի խոսքով՝ ընդդիմությունը տեսավ, որ «ժողովուրդն աջակցում է իշխանության հեռատես քաղաքականությանը»։
«Դրա համար բոլոր նրանք, ովքեր մեզ մղում էին պատերազմի, խոսում են խաղաղության մասին, բոլոր նրանք, ովքեր ծրագրում էին վրացի գյուղացիներին ու ձեռներեցներին սնանկության ճանապարհին կանգնեցնել, այսօր խոսում են Ռուսաստանի հետ առևտրի մասին... Եթե ընդդիմությունը կարողանա զավթել նույնիսկ մեկ գրամ իշխանություն, Վրաստանը կվերադառնա պատերազմների և ավերածությունների քաոսին, որտեղից հազիվ դուրս բերեցինք այս երկիրը, մենք ստեղծեցինք 12 տարվա շարունակական խաղաղության շրջան և ժողովրդին հնարավորություն տվեցինք շնչել և զարգանալ»,- ասել է Շալվա Պապուաշվիլին։
Խորհրդարանի նախագահի հայտարարությունները ընդդիմության անդամները գնահատել են որպես ապատեղեկատվություն և առճակատման կոչ։
![Վրաստանի լուրեր](/images/a2.png#joomlaImage://local-images/a2.png?width=80&height=80)