Հատուկ քննչական ծառայությունը երկու անձի է ձերբակալել «Մթավարի արխիի» լրագրողի և օպերատորի նկատմամբ բռնություն գործադրելու համար։ Երեկ՝ հուլիսի 25-ին, Լադո Մենաբդեն ու Մանուչար Խավանաձեն Լանչխութիի մունիցիպալիտետի Սուփսա գյուղում ռեպորտաժի վրա են աշխատել, երբ անծանոթ մարդիկ հարձակվել են նրանց վրա։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Հատուկ քննչական ծառայության տեղեկություններով՝ քննությամբ պարզվել է, որ հեռուստաընկերության աշխատակիցները Սուփսայում բնակվող եղբայրների կողմից ենթարկվել են բանավոր և ֆիզիկական բռնության։
«Մեղադրյալ Վ.Ի.-ն նրանց հասցեին բանավոր և ֆիզիկական վիրավորանքներ է հասցրել։ Միաժամանակ լրագրողը ֆիզիկական հարձակման է ենթարկվել Վ.Ի.-ի եղբոր՝ Ա.Ի.-ի կողմից, որը բռունցքով մի քանի հարված է հասցրել նրա գլխի և դեմքի շրջանում, ինչի հետևանքով Վլադիմիր Մենաբդեն ֆիզիկական ցավ և վնասվածք է ստացել շուրթերի շրջանում։ Ա.Ի.-ն վնասել է նաև «Մթավարի արխիի» հեռուստաընկերության տեսախցիկը և բանավոր վիրավորել լրագրողին և օպերատորին»,- հայտնել են Հատուկ քննչական ծառայությունից։
Եղբայրները ձերբակալվել են Քրեական օրենսգրքի 156-րդ հոդվածի 2-րդ մասի «ա» ենթակետով, որը վերաբերում է անձին մասնագիտական գործունեության հետ կապված՝ բռնությամբ կամ բռնության սպառնալիքով հետապնդելուն։ Հանցագործությունը պատժվում է տուգանքով կամ տնային կալանքով՝ մեկից երկու տարի ժամկետով, կամ ազատազրկմամբ՝ առավելագույնը երեք տարի ժամկետով։
Հատուկ քննչական ծառայությունում հարցաքննվելուց հետո Լադո Մենաբդեն ասել է, որ ակնկալում է հոդվածի ծանրացում, քանի որ «գործ ունենք բռնության, ինչպես նաև ուրիշի ունեցվածքի վնասման հետ»։
