Մյունխենի համաժողովի զեկույցում Իվանիշվիլին հիշատակվում է որպես «ռուսամետ օլիգարխ»

Զեկույցում ասվում է, որ մինչ Ուկրաինան, Վրաստանը և Մոլդովան շարժվում են դեպի Արևմուտք, Ռուսաստանի միակ դաշնակիցը Արևելյան Եվրոպայում մնում  է Բելառուսը։

«Ռուսաստանը միգուցե չկարողացավ իր ճամբար մտցնել Վրաստանին, Մոլդովային և Արևմտյան Բալկաններին, բայց դեռ փորձում է կանխել նրանց արևմտյան ինտեգրումը։ Ռուսամետ օլիգարխ և Վրաստանի իշխող կուսակցության հիմնադիր Բիձինա Իվանիշվիլին պատասխանատու է երկրի վերջին ժողովրդավարական հետընթացի և հակառակ վրաց հասարակության մեծամասնության ցանկության Եվրամիությունից հեռանալու համար»,- ասվում է զեկույցում։

Փաստաթղթում նշվում է նաև, որ 2023 թվականին Եվրամիությունը Վրաստանին շնորհել է թեկնածուի կարգավիճակ՝ «չնայած երկրում ժողովրդավարության և օրենքի գերակայության իրավիճակի վերաբերյալ զգալի մտահոգություններին»։

Մյունխենի անվտանգության համաժողովը հիմնադրվել է 60 տարի առաջ և հանդիսանում է ներկա և ապագա անվտանգության միջազգային մարտահրավերների քննարկման համար ամենակարևոր անկախ ֆորումներից մեկը: Ամեն տարի համաժողովին մասնակցում են մինչև 350 որոշում կայացնողներ ավելի քան 70 երկրներից։

2024 թվականին Մյունխենի համաժողովը կանցկացվի փետրվարի 16-18-ը։ Անցյալ տարի համաժողովին ներկա էր Վրաստանի այն ժամանակվա վարչապետ Իրակլի Ղարիբաշվիլին։

Այս թեմայով՝

Իվանիշվիլին 90-ականներին Ռուսաստանում հարստություն կուտակած օլիգարխ է. Դանիայի դեսպան