ახალი ამბები

ანგარიშში ნათქვამია, რომ მაშინ, როდესაც უკრაინა, საქართველო და მოლდოვა დასავლეთში ინტეგრაციისკენ მიისწრაფვიან, აღმოსავლეთ ევროპაში რუსეთის ერთადერთ მოკავშირედ ბელარუსი რჩება.

„რუსეთმა შეიძლება ვერ შეძლო საქართველოს, მოლდოვასა და დასავლეთ ბალკანეთის თავის ბანაკში შეყვანა, მაგრამ მაინც ცდილობს მათი დასავლური ინტეგრაციისთვის ხელის შეშლას. პრორუს ოლიგარქს და საქართველოს მმართველი პარტიის დამფუძნებელ ბიძინა ივანიშვილს ეკისრება პასუხისმგებლობა ქვეყნის ბოლოდროინდელ დემოკრატიულ უკუსვლასა და ქართული საზოგადოების უმრავლესობის სურვილის საწინააღმდეგოდ, ევროკავშირისგან დაშორებაზე“, - ვკითხულობთ ანგარიშში.

დოკუმენტში ასევე აღნიშნულია, რომ 2023 წელს ევროკავშირმა საქართველოს კანდიდატის სტატუსი მიანიჭა, „ქვეყანაში დემოკრატიისა და კანონის უზენაესობის მდგომარეობის შესახებ მნიშვნელოვანი შეშფოთების მიუხედავად“.

მიუნხენის უსაფრთხოების კონფერენცია 60 წლის წინ დაფუძნდა და ერთ-ერთი ყველაზე მნიშვნელოვანი დამოუკიდებელი ფორუმია საერთაშორისო უსაფრთხოების მიმდინარე და სამომავლო გამოწვევებზე დისკუსიისთვის. ყოველწლიურად კონფერენციაში 70-ზე მეტი ქვეყნიდან 350-მდე გადაწყვეტილების მიმღები პირი მონაწილეობს.

2024 წელს მიუნხენის კონფერენცია 16-18 თებერვალს ჩატარდება. გასულ წელს კონფერენციას საქართველოდან ქვეყნის მაშინდელი პრემიერ-მინისტრი ირაკლი ღარიბაშვილი ესწრებოდა.

ამ თემაზე:

ივანიშვილი ოლიგარქია, რომელმაც ქონება 90-იან წლებში რუსეთში დააგროვა - დანიის ელჩი