Քաղաքացիական ակտիվիստ Նատա Փերաձեն 5-օրյա վարչական կալանքի է դատապարտվել Սամեբայի տաճարում խորհրդային բռնապետ Ստալինի սրբապատկերի վրա ներկ լցնելու համար։ Որոշումը կայացրել է Թբիլիսիի քաղաքային դատարանի դատավոր Նինո Շչերբակովը։ Նատա Փերաձեին ձերբակալելու համար ՆԳ նախարարության տասնյակ ոստիկաններ են գնացել նրա բնակարան։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
«Ինձ չեն կարող վախեցնել, պայքարը շարունակվում է։ Սա արմատականների սուլիչի տակ պար է»,- ասել է Փերաձեն ձերբակալության ժամանակ։
Նա ընդգծել է, որ չնայած իրեն սպանելու սպառնալիքներին, որոնց վերաբերյալ դիմել է ՆԳ նախարարություն, արձագանք չի եղել։ Նատա Փերաձեն փաստաբանի օգնությամբ կբողոքարկի դատարանի որոշումը։ Դատավոր Նինո Շչերբակովը հայտնի է քաղաքացիական ակտիվիստների նկատմամբ իր պատժիչ որոշումներով։
Հունվարի 9-ին Նատա Փերաձեն կապույտ ներկ է շփել Ստալինի պատկերով Մատրոնա Մուսկովելիի սրբապատկերի վրա։ Նա դեպքի տեսագրությունը տարածել է սոցցանցում։ Նույն օրը ՆԳՆ-ում հետաքննություն է սկսվել Վարչական իրավախախտումների վերաբերյալ օրենսգրքի 166-րդ հոդվածի առաջին մասով, որը վերաբերում է մանր խուլիգանությանը։ Խախտման համար նախատեսված է տուգանք՝ 500-ից 1000 լարիի չափով կամ վարչական ազատազրկում՝ մինչև 15 օր ժամկետով։ Ստալինի պատկերով սրբապատկերը եկեղեցուն են նվիրել ռուսամետ «Հայրենասերների դաշինք» կուսակցության առաջնորդները։
Ռուսամետ, բռնի «Պահպանողական շարժում/Ալտ Ինֆո» կուսակցությունը պահանջել է քրեական հետաքննություն սկսել Նատա Փերաձեի նկատմամբ և ձերբակալել նրան։ Հունվարի 13-ին խորհրդարանի շենքի մոտ տեղի ունեցած հանրահավաքում կուսակցության առաջնորդները սպառնացել են, որ եթե պետությունը Փերաձեին պատշաճ պատասխան չտա սրբապատկերին «վիրավորելու» համար, իրենք դա կանեն։ Մինչ այդ «Ալտ Ինֆո»-ի անդամներն ու համակիրները գնացել են քաղաքացիական ակտիվիստի տան մոտ և պահանջել պատժել նրան։ Նատա Փերաձեն ստիպված է եղել ընտանիքի հետ ժամանակավորապես տեղափոխվել այլ վայր։
