Խորհրդարանում իմփիչմենթի ընթացակարգի սկսվելուց առաջ, Վրաստանի նախագահը՝ որպես հերթական հակաեվրոպական օրենք, վետո է դրել «Հավաքների և ցույցերի մասին» օրենքում կատարված փոփոխությունների վրա։ Վետոն կարող է հաղթահարել խորհրդարանի ամբողջական կազմի մեծամասնությունը՝ առնվազն 76 պատգամավոր, ինչը «Վրացական երազանքի» համար խնդիր չէ։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Հոկտեմբերի 5-ին խորհրդարանը արագացված կարգով ընդունեց «Հավաքների և ցույցերի մասին» օրենքում փոփոխությունները, որոնք արգելում են հավաքների կամ ցույցերի մասնակիցներին ժամանակավոր կառույց կազմակերպել կամ վրան տեղադրել, եթե դրա կազմակերպումը վտանգ է ներկայացնում հավաքի կամ ցույցի մասնակիցների կամ այլ անձանց համար, խոչընդոտում է ոստիկանության կողմից հասարակական կարգի և անվտանգության պահպանումը, առաջացնում է ձեռնարկության, հիմնարկի կամ կազմակերպության բնականոն գործունեության խաթարում, դա կապված չէ հավաք կամ ցույց անցկացնելու հետ։
Խախտումը կհանգեցնի կառույցի, վրանի բռնագանձման և տուգանքի՝ 500 լարիի չափով կամ բռնագանձման և վարչական ազատազրկման՝ մինչև 15 օր ժամկետով։ Եթե խախտողը կազմակերպիչն է՝ իրավախախտման առարկայի բռնագանձում և տուգանք՝ 5 000 լարիի չափով կամ իրավախախտման օբյեկտի բռնագանձում և վարչական ազատազրկում մինչև 15 օր ժամկետով։
Օրենքի փոփոխությունները իշխող կուսակցությունը հիմնավորում է Պետական անվտանգության ծառայության հայտարարությամբ, ըստ որի՝ հոկտեմբեր-դեկտեմբերին Վրաստանում հերթական պետական հեղաշրջում է նախատեսվում։
«Վրացական երազանքի» նախագահ Իրակլի Կոբախիձեի խոսքով, նոր օրենքով ոստիկանությունը կորոշի, թե երբ կարելի է վրան տեղադրել հանրահավաքներին, իսկ երբ՝ ոչ։
«Վրանների տեղադրումը չի արգելվում։ Պարզապես ոստիկանությանը հնարավորություն է տրվում սեփական հայեցողությամբ գնահատել, թե երբ պետք է տեղադրվի վրանը, երբ՝ ոչ»,- լրատվամիջոցներին ասել է Կոբախիձեն։