Վրաստանի նախագահ Սալոմե Զուրաբիշվիլին այսպես կոչված օֆշորների օրենքի վրա վետո է դրել և «Հարկային օրենսգրքի» փոփոխությունները դիտողություններով վերադարձրել է խորհրդարանին։
Լրահոս
Ընթերցողի ընտրանի
- 1 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 2 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 3 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
- 4 Ստանո՞ւմ ես ֆինանսավորման ավելի քան 20%-ը դրսից, հայտարարագրի՛ր․ Լավրովը՝ «Երազանքի» ռուսական օրենքի մասին
- 5 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 6 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
Խորհրդարանն ապրիլի 19-ին արագացված կարգով 73 կողմ, 9 դեմ ձայներով երրորդ ընթերցմամբ ընդունել է այսպես կոչված «օֆշորների օրենքը», որի արդյունքում հնարավոր կլինի օֆշորային գոտիներից գույք ու շահույթ բերել Վրաստան՝ առանց հարկերի։
Ընդդիմության կարծիքով՝ «օֆշորների օրենքը» ծառայում է իշխող կուսակցության՝ «Վրացական երազանքի» պատվավոր նախագահ Բիձինա Իվանիշվիլիի շահերին և կապված է նրա նկատմամբ հնարավոր պատժամիջոցների ակնկալիքների հետ։
- Նոր օրենքի համաձայն՝ հարկային արտոնություններ կտրամադրվեն օֆշորային երկրում գրանցված բոլոր ընկերություններին, որոնք իրենց ակտիվները Վրաստան կտեղափոխեն մինչև 2028 թվականի հունվարի 1-ը։ Ընկերությունը կազատվի շահութահարկից և եկամտահարկից:
- Ինչպես նաև՝ ցանկացած ակտիվ Վրաստան ներմուծելը կազատվի ներմուծման հարկից, իսկ վրացական ձեռնարկությունը մինչև 2030 թվականի հունվարի 1-ը կազատվի գույքահարկից՝ կապված այս գործողության շրջանակներում ստացված ակտիվի հետ։
Հարկային արտոնություններից օգտվելու անհրաժեշտ պայմանն այն է, որ նույն ֆիզիկական անձը (անձանց խումբը) տիրապետի օֆշորային գրանցված օտարերկրյա ձեռնարկության և վրացական ձեռնարկության բաժնետոմսերի/բաժնեմասերի 100%-ին:
«Թրանսփարենսի Ինթերնեշնլ-Վրաստանի» 2021 թվականի ուսումնասիրության համաձայն՝ Բիձինա Իվանիշվիլին ունեցել է 20 օֆշորային ընկերություն։ Հետազոտության հրապարակման պահին օֆշորային այս 20 ընկերություններից 12-ին պատկանում էր Վրաստանում ընդամենը 26 ընկերություն, որոնք իրենց հերթին այլ ընկերությունների սեփականատեր էին: Արդյունքում՝
Բիձինա Իվանիշվիլիի 12 օֆշորային ընկերությունները ուղղակիորեն կամ անուղղակիորեն տնօրինում էին 70 ընկերություններ Վրաստանում։
Հաճախ օֆշորային ընկերությունները գրավիչ են կասկածելի ծագման ակտիվներ ունեցող անհատների համար: «Թրանսփարենսի Ինթերնեշնլ-Վրաստանի» փոխանցմամբ՝ ռուս գործարարներն ու օլիգարխները հաճախ օգտվում են օֆշորային ընկերությունների պրակտիկայից, և գործող օրենսդրական փոփոխությամբ նրանց թույլ կտան իրենց ակտիվները Վրաստան տեղափոխել հարկային արտոնություններով։
Խորհրդարանի ամբողջական կազմի մեծամասնությունը՝ առնվազն 76 պատգամավոր, կարող է հաղթահարել նախագահի վետոն, ինչը խնդիր չի ներկայացնում «Վրացական երազանքի» համար։
