2022 թվականի առաջին 11 ամիսների ընթացքում ԵՄ երկրները Վրաստանի քաղաքացիներից ապաստանի 26 177 հայց են ստացել։ Եվրամիության ապաստանի գործակալության (EUAA) տվյալներով, միայն նոյեմբերին ապաստան է հայցել Վրաստանի 3 030 քաղաքացի, ինչը 2008 թվականից ի վեր ամենաբարձր ցուցանիշն է: Նրանցից 2 798 քաղաքացին առաջին անգամ է ներկայացրել իր դիմումը, 232-ը՝երկրորղ անգամ։
Լրահոս
Ընթերցողի ընտրանի
- 1 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
- 4 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 5 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Անցած տարվա ընթացքում Վրաստանից Եվրոպա ապաստան հայցողների թիվը գրեթե ամեն ամիս ավելացել է՝ հունվարին գրանցվել է 1 805 դիմում, փետրվարին՝ 1 776, մարտին՝ 2 196, ապրիլին՝ 2 075, մայիսին՝ 2 545, հունիսին՝ 2 620, հուլիսին՝ 2 370, օգոստոսին՝ 2 390, սեպտեմբերին՝ 2 645, հոկտեմբերին՝ 2 725, նոյեմբերին՝ 3 030: Դեկտեմբեր ամսվա տվյալները դեռ հրապարակված չեն։
Վրացիներն ամենից հաճախ ապաստան են խնդրում Ֆրանսիայում, Գերմանիայում, Իտալիայում և Իռլանդիայում։
2022 թվականին Եվրամիությունում ապաստան ստանալու ցանկություն ունեցող Վրաստանի քաղաքացիների մոտավորապես 92%-ն առաջին անգամ է լրացրել դիմումը։ Եվրոպական միության ապաստանի գործակալության (EUAA) վերջին զեկույցում նշվում է, որ Ռուսաստանի ներխուժումն Ուկրաինա զգալի տնտեսական և սոցիալ-քաղաքական ազդեցություն է ունեցել Վրաստանի վրա, ինչը կարող է ստիպել Վրաստանի որոշ քաղաքացիների պաշտպանություն փնտրել Եվրոպայում:
Վրաստանի քաղաքացիների դիմումների բավարարման ցուցանիշը նախորդ տարվա նոյեմբերին կազմել է 4 տոկոս՝ 1 621 որոշումներից 1 560-ը բացասական է եղել։ Փախստականի կարգավիճակ է տրվել 44 անձի, իսկ 17-ը՝ օժանդակ պաշտպանություն է ստացել։
Չնայած դրան, առաջին ատյանում քննարկվող գործերի թիվն աճել է և նոյեմբերի վերջին հասել 14 800-ի։ Սա ամենամեծ թիվն է առնվազն 2014 թվականից ի վեր։
ԵՄ ապաստանի գործակալությունը նշում է, որ ԵՄ երկրները 2022 թվականի նոյեմբերին ստացել են մոտ 107 300 ապաստանի դիմում, ինչը 2016 թվականից ի վեր ամենաբարձր ցուցանիշն է։ Նոյեմբերին դիմումների բավարարման մակարդակը կազմել է 39%: Ամենից հաճախ ապաստան է տրամադրվել Սիրիայի, Ուկրաինայի, Բելառուսի, Եմենի, Մալիի Հանրապետության և Էրիթրեայի քաղաքացիներին։
