Ազգային ժողովրդավարական ինստիտուտի (NDI) պատվիրակությունը նախընտրական միջազգային դիտորդական առաքելություն է սկսում։ Առաքելության շրջանակներում պատվիրակությունը հինգ օր շարունակ կհանդիպի կառավարության, քաղաքական կուսակցությունների, քաղաքացիական սեկտորի, ԶԼՄ-ների և դիվանագիտական կորպուսի ներկայացուցիչների հետ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Պատվիրակության անդամները գնահատելու են 2024 թվականի խորհրդարանական ընտրություններից առաջ ընդհանուր քաղաքական միջավայրը և այն գործոնները, որոնք կարող են ազդել նախընտրական գործընթացների վրա։
«Պատվիրակությունը կքննարկի այնպիսի կարևոր թեմաներ, ինչպիսիք են ընտրական վարչարարությունը, քաղաքացիների ներգրավվածությունը, գենդերային և ներառական խնդիրները, քաղաքական կուսակցությունները և քարոզարշավի գործընթացը: Հանդիպումները NDI-ի նախընտրական դիտորդական գործընթացի առաջին փուլն են։ Նշված գործընթացը լրացուցիչ ներառում է երկրորդ նախընտրական պատվիրակությունը, երկարաժամկետ դիտորդների խումբը և ընտրությունների օրվա դիտորդական պատվիրակությունը»,- պարզաբանում է NDI-Վրաստանի գրասենյակը։
Հանդիպումները կղեկավարեն Ան Լինդը՝ Շվեդիայի արտաքին գործերի նախկին նախարարը, Պեր Էկլունդը՝ Վրաստանում ԵՄ պատվիրակության նախկին ղեկավարը, Մայքլ Պոզները՝ Պետդեպարտամենտի Ժողովրդավարության, մարդու իրավունքների և աշխատանքի բյուրոյում պետքարտուղարի նախկին օգնականը, Դենիել Գոթֆրիդը՝ օրենսդիր և քաղաքականության վերլուծաբան՝ Սենատի արտաքին հարաբերությունների հանձնաժողովի նախագահի գրասենյակում, Եվա Բուժա՝ NDI Եվրասիայի տարածաշրջանային տնօրեն և Ռիչարդ Քլայն՝ NDI-ի նախընտրական ծրագրերի գլոբալ տնօրեն: Հանդիպումներին ներկա կլինի նաև NDI-Վրաստանի գրասենյակի տնօրեն Ալան Գիլամը։
Հանդիպումներից հետո NDI-ի պատվիրակությունը զեկույցի տեսքով կհրապարակի նախընտրական միջավայրի գնահատման հիմնական եզրակացությունները։
Ըստ NDI-ի՝ նախընտրական դիտորդական առաքելության նպատակն է աջակցել Վրաստանի ժողովրդավարական զարգացմանը և Վրաստանի բնակչության եվրոպական ու եվրաատլանտյան ինտեգրմանը կառուցողական առաջարկություններով։ Միևնույն ժամանակ, այն արտահայտում է միջազգային հանրության ակնկալիքը, որ ընտրական գործընթացում ներգրավված բոլոր սուբյեկտները կհետևեն ժողովրդավարական ընտրությունների և քաղաքական գործընթացների բոլոր սկզբունքներին։
Ծրագիրը ֆինանսավորվում է ԱՄՆ Միջազգային զարգացման գործակալության (USAID) կողմից՝ Ընտրությունների և քաղաքական գործընթացների ընդլայնման կոնսորցիումի (CEPPS) շրջանակներում:
