Սվանեթիում ձերբակալվել է Նենսկրա ՀԷԿ-ի կառուցող «Նենսկրա Հիդրո» ԲԸ-ի աշխատակիցը՝ «Կորեայի ջրային ռեսուրսների կորպորացիա» (K-water) պետական ընկերությանը պատկանող 850 միլիոն հարավկորեական վոն (մոտ 637 հազար ԱՄՆ դոլար) գումարի ապօրինի յուրացման համար:
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
The Korea Times հրատարակությունը K-water-ի հիման վրա գրում է, որ «Նենսկրա Հիդրո» բաժնետիրական ընկերությունում հայտնաբերված անձը, որը պատասխանատու էր ընկերության հաշիվներից գումարներ հանելու ընթացակարգերի համար, հունվարի 9-ից մինչև հունվարի 16-ն ընկած ժամանակահատվածում յուրացրել է մոտ 637 000 դոլար։ Ոստիկանությունը նրան ձերբակալել է Թբիլիսիի միջազգային օդանավակայանում՝ Վրաստանից մեկնելուց առաջ։
Մեղադրյալը մեկ շաբաթվա ընթացքում գումարը փոքր չափերով ներդրել է իր բանկային հաշվին՝ իմանալով, որ բանկը չի ծանուցի K-water-ին 2 միլիոն վոնից պակաս (մոտ 1500 դոլար) փոխանցելիս: Միջադեպը բացահայտվել է այն բանից հետո, երբ աշխատակիցն առանց նախնական տեղեկացման չի ներկայացել աշխատանքի և սկսել են պարզել նրա գտնվելու վայրը։ «Նենսկրա Հիդրո»-ն միջոցներ է ձեռնարկել Կորեայում գտնվող նրա ունեցվածքի վրա արգելաք դնելու համար։
Ինչպես նշում է The Korea Times-ը, սա առաջին դեպքը չէ, երբ K-water-ին պատկանող խոշոր գումարը յուրացվում է աշխատակցի կողմից։ Նման բան տեղի է ունեցել մի քանի տարի առաջ, երբ նախագծերից մեկի հաշվապահը՝ 2014-2020 թվականներին, ընկերության հաշիվներից գողացել է 6,4 միլիոն դոլար։ Հանցագործությունը բացահայտվել է ներքին աուդիտով, որից հետո K-water-ը որոշակի միջոցներ է ձեռնարկել, սակայն, ինչպես գրում է հրատարակությունը, դա բավարար չի եղել «Նենսկրա Հիդրո»-ում վերջին միջադեպը կանխելու համար։
Հարավային Կորեայի պետական K-water ընկերությունը պատասխանատու է Սվանեթիում՝ Նենսկրա և Նակրի գետերի հովիտների վերին մասում, 280 ՄՎտ հզորությամբ հիդրոէլեկտրակայանի և ամբարտակի կառուցման համար։ «Նենսկրա Հիդրո» ԲԸ-ն՝ նախագծի կառուցման նպատակով, հիմնադրվել է 2015 թվականին K-water-ի (90%) և Վրաստանի կառավարության «Գործընկերության հիմնադրամի» (10%) կողմից:
Նենսկրայի հիդրոէլեկտրակայանի պոտենցիալ տարեկան արտադրությունը որոշվել է 1,2 մլրդ կՎտժ: Նախագծի ընդհանուր արժեքը գերազանցում է 1 մլրդ ԱՄՆ դոլարը։ Դրա շինարարությունը պետք է ավարտվեր 2021 թվականին, սակայն Ճուբերիի համայնքի հակազդեցության պատճառով ծրագիրը դադարեցվել է։ 2022 թվականին Վրաստանի վարչապետ Իրակլի Ղարիբաշվիլին հայտարարեց, որ պետության մասնակցությամբ պետք է կառուցվեն խոշոր հիդրոէլեկտրակայաններ, այդ թվում նաև Նենսկրան։
Ավելի վաղ, 2020 թվականին՝հրապարակվել էր նախագիծը ֆինանսավորողների՝ Վերակառուցման և զարգացման եվրոպական բանկի (EBRD) և Եվրոպական ներդրումային բանկի (EIB) եզրակացությունը, ըստ որի Նենսկրա ՀԷԿ-ը չի համապատասխանում բանկերի չափանիշներին այնպիսի հիմնարար հարցերում, ինչպիսիք են՝ բնիկ մարդկանց իրավունքները, մշակութային ժառանգության պաշտպանությունը, ծրագրի այլընտրանքների ուսումնասիրությունը, գենդերային խնդիրները, տեղեկատվության թափանցիկությունը, Նենսկրա ՀԷԿ-ի նախագիծն իրականացնող ընկերության ներկայացուցիչների իրավասությունը:
