Ուշ գիշերին հորդառատ տեղումների պատճառով Բաղդաթի շրջանի Ներգեեթի գյուղում սողանքային գործընթացներ են զարգացել։ Հողի զանգվածի տակ է հայտնվել 4 բնակելի տուն։ Մի քանի ժամ է, ինչ տեղում աշխատում են փրկարարները, հայտնաբերվել է 4 մարդու դի, իսկ 5 հոգու որոնողափրկարարական աշխատանքները դեռ շարունակվում են։ Նրանց թվում կան մեկ ընտանիքի 4 անդամներ՝ հայրը և նրա երեք մանկահասակ երեխաները։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Շատ մեծ զանգված է պոկվել, 4 բնակելի տուն ավերվել է։ Սկզբից 10 հոգու էինք փնտրում։ Այս պահի դրությամբ 1 հոգի ողջ է, տեղափոխվել է անվտանգ տարածք։ Մոբիլիզացվել է ողջ անհրաժեշտ տեխնիկան»,- հայտարարել է Իմերեթիի նահանգապետ Զվիադ Շալամբերիձեն։
Շրջակա միջավայրի ազգային գործակալության տեղեկատվության համաձայն՝ մինչև փետրվարի 8-ը Վրաստանում սպասվում են տեղումներ՝ առավելապես ձյան տեսքով, տեղ-տեղ առատ (հիմնականում արևմտյան շրջաններում), լեռնային շրջաններում սպասվում է մառախուղ, բուք, ճանապարհներին մերկասառույց, ձնահյուսի վտանգ, էլեկտրահաղորդման գծերի սառցակալում։ Ծովում հնարավոր է ուժեղ՝ մինչև 6 բալանոց փոթորիկ: Արևմտյան Վրաստանի գետերի վրա սպասվող առատ տեղումները կարող են առաջացնել ջրի մակարդակի զգալի բարձրացում և սողանքային-հեղեղային գործընթացների սկիզբ և ակտիվացում լեռնային շրջաններում։
Փետրվարի 6-ին հորդառատ տեղումներից առաջացած ձնահյուսերի ու սողանքների հետևանքով տուժել են նաև Աջարիայի բարձրադիր հատվածներում։
Խուլոյի Թխիլվանա գյուղում ձնահյուսը ավերել է Բոլքվաձեների բնակելի տունը։ Վթարի պահին տանը եղել են ամուսիններ։ Մևլուդ Բոլքվաձեն ողջ է մնացել, իսկ 63-ամյա Ֆաթի Բոլքվաձեն զոհվել է։ Այս պահին գյուղը կտրված է արտաքին աշխարհից։
Քեդայի Ծոնիարիս գյուղում տեղի ունեցած բնական աղետի հետևանքով զոհվել է 55-ամյա Թեմուր Բարամիձեն։ Նա Աջարիայի ոստիկանության բաժնի Քեդայի շրջանի վարչության կրտսեր տեսուչ էր։ Սողանքի պահին Թեմուր Բարամիձեն մենակ է եղել իր տանը։
