Նիդերլանդները Եվրամիությունից կպահանջի դադարեցնել Վրաստանի հետ առանց վիզայի ռեժիմը։ Այս մասին հայտարարել է երկրի արտաքին գործերի նախարար Կասպար Վելդկամպը։
Լրահոս
Ընթերցողի ընտրանի
- 1 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
- 4 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 5 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
«Վրաստանում ցուցարարների, լրագրողների նկատմամբ բռնությունները և քաղաքական գործիչների ձերբակալություններն անընդունելի են։ Ուստի Նիդերլանդները կոչ է անում Եվրամիությանը կասեցնել Վրաստանի հետ առանց վիզայի ռեժիմի համաձայնագրերը»,- գրել է նախարարը X հարթակում։
Բացի այդ, դիվանագետը ողջունում է Բալթյան երկրների՝ Էստոնիայի, Լատվիայի և Լիտվայի ԱԳ նախարարների որոշումը՝ անհատական վիզային պատժամիջոցներ կիրառել «Վրացական երազանքի» պատվավոր նախագահ Բիձինա Իվանիշվիլիի և ՆԳՆ բարձրաստիճան պաշտոնյաների նկատմամբ։
Վելդկամպը Մալթայում մասնակցում է Եվրոպայի անվտանգության և համագործակցության կազմակերպության (ԵԱՀԿ) ԱԳ նախարարների երկօրյա հանդիպմանը։ Նրա խոսքով՝ անհրաժեշտ է հետաքննել, թե որքանով կարող են ԵԱՀԿ մեխանիզմները կիրառվել վրաց ժողովրդին աջակցելու համար։
Այն բանից հետո, երբ նոյեմբերի 28-ին ոչ լեգիտիմ վարչապետ Իրակլի Կոբախիձեն հայտարարեց, որ Վրաստանը մինչև 2028 թվականի վերջը օրակարգ չի մտցնի անդամակցության բանակցություններ սկսելու հարցը և կհրաժարվի ԵՄ բյուջետային դրամաշնորհներից, Նիդերլանդներում Վրաստանի դեսպան Դավիթ Սոլոմոնիան հրաժարական տվեց։ Պաշտոնները լքել են նաև ԱՄՆ-ում, Բուլղարիայում, Չեխիայում և Լիտվայում Վրաստանի դեսպանները, ինչպես նաև Իտալիայում դեսպանի պաշտոնակատարը։ Պաշտոնից հեռացել է նաև արտաքին գործերի փոխնախարար Թեյմուրազ Ջանջալիան։
