«Մթավարի արխիի» գլխավոր տնօրեն և սեփականատերերից Նիկա Գվարամիան հրաժարվում է իր պաշտոնից և հեռուստաընկերության 12 տոկոս բաժնեմասից։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Նիկա Գվարամիայի խոսքով՝ նա բանտից դուրս գալուց հետո այլևս չի կատարել գլխավոր տնօրենի պարտականությունները, իսկ ընկերությունում բաժնեմաս ունենալը անհամատեղելի է կուսակցական պաշտոնի հետ, որը նա կզբաղեցնի առաջիկա օրերին։
«Ես կատարել եմ օրենքի պահանջները և բաժնեմասը փոխանցել եմ իմ Սոփոյին։ Հաջողություն «Մթավարիին», մնացածը՝ հաջորդ շաբաթ»,- գրել է Նիկա Գվարամիան սոցցանցում։
Փետրվարի 27-ին հանրային ռեգիստր ներկայացված «Մթավարի արխիի» գործընկերների ժողովի արձանագրության համաձայն՝ Նիկա Գվարամիան իր մասնաբաժինը կնոջը՝ Սոփիո Լիլուաշվիլիին անվճար կփոխանցի։
Ընկերության գլխավոր տնօրենը կդառնա Գիորգի Գաբունիան, ում թեկնածությունն առաջադրել է Նիկա Գվարամիան։ «Մթավարի արխին» կունենա նաև երկու տնօրեն՝ Գիորգի Քուրդաձեն և Մանուչար Ախալայան։ Նրանց այս պաշտոնում առաջադրել են ընկերության խոշորագույն բաժնետերերը՝ Բակուր Ջախայան և BGIM LTD-ն։ Գիորգի Քուրդաձեն «Տելե-Ռադիոընկերություն Բորջոմի» ՍՊԸ-ի կապիտալի 35%-ի սեփականատերն է։
Բացի այդ, «Մթավարի արխիի» երկու բաժնետերեր՝ Մագուլի Խարեբավան և Նատիա Ջոգիաշվիլին իրենց 0․2-0․2 տոկոս բաժնետոմսերը կփոխանցեն BGIM LTD-ին։
Փոփոխությունները հանրային ռեգիստրի կողմից գրանցելուց հետո «Մթավարի արխիի» բաժնետոմսերը կբաշխվեն հետևյալ կերպ. BGIM LTD՝ 39․6%, Բակուր Ջախայա՝ 37%, Սոփիո Լիլուաշվիլի՝ 12%, Գիորգի Ռուռուա՝ 2․5%, Նիկոլոզ Սիսաուրի՝ 3%, «Վրաստանի համալսարան» ՍՊԸ՝ 2%, «Օմեգա Մոտոր Գրուպ» ՍՊԸ՝ 0.2%, «Օմեգա Մոթորս Թբիլիսի» ՍՊԸ՝ 0.2%, Թեյմուրազ Վասիլիձե՝ 1%, Մարի Աննա Ռուռուա՝ 2.5%։
«Մթավարի արխին» հիմնադրվել է Նիկա Գվարամիայի կողմից 2019 թվականին։ Մինչ այդ նա «Ռուսթավի 2» հեռուստաընկերության գլխավոր տնօրենն էր։ 2017 թվականի մարտին Վրաստանի Գերագույն դատարանը «Ռուսթավի 2»-ը փոխանցեց գործարար Քիբար Խալվաշիին, որից հետո հեռուստաընկերության այն ժամանակվա սեփականատերերը՝ Կարամանիշվիլի եղբայրները, դիմեցին Մարդու իրավունքների եվրոպական դատարան և պահանջեցին արգելել դրա իրականացումը։ Բողոքող կողմը պնդում էր, որ վրացական դատարաններում վեճի քննարկման ընթացքում խախտվել են իրենց իրավունքները։ 2017 թվականի մարտին Եվրոպական դատարանը կիրառել է միջանկյալ միջոց՝ այդպիսով կասեցնելով Գերագույն դատարանի որոշման կատարումը։ 2019 թվականի հուլիսին Եվրոպական դատարանը հայտարարեց, որ Մարդու իրավունքների եվրոպական կոնվենցիայի հոդվածների խախտում չկա։ Արդյունքում հեռուստաընկերությունն անցավ Քիբար Խալվաշիի սեփականությանը։
