“Mtavari Arxi”nin baş direktoru və sahiblərindən biri olan Nika Qvaramia teleşirkətdəki vəzifəsindən və 12% paydan imtina edir.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Hakim Çxikvadzeyə qoyulan sanksiyanın götürülüb-götürülməməsi ilə bağlı ABŞ səfirliyindən izahat gözləyirəm - Papuaşvili
- 6 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
Nika Qvaramianın sözlərinə görə, o, həbsdən çıxdıqdan sonra artıq baş direktor vəzifəsini icra etməyib və şirkətdə pay sahibi olması onun yaxın günlərdə tutacağı partiya vəzifəsi ilə uyğunsuzluq təşkil edir.
“Mən qanunun tələblərinə əməl etdim və payımı Sopoya verdim. “Mtavari”yə uğurlar, qalanları barədə gələn həftə”, - Nika Qvaramia sosial şəbəkədə yazıb.
Fevralın 27-də ictimai reyestrə təqdim edilmiş “Mtavari Arxi” partnyorları yığıncağının protokoluna görə, Nika Qvaramiya öz payını təmənnasız şəkildə həyat yoldaşı Sopio Liluaşviliyə verəcək.
Şirkətin baş direktoru Nika Qvaramia tərəfindən irəli sürülən Qiorqi Qabunia olacaq. “Mtavari Arxi”nin həmçinin iki rejissoru olacaq - Qiorqi Kurdadze və Manuçar Axalaia. Onlar bu vəzifəyə şirkətin ən böyük səhmdarları Bakur Çaxaia və “BGIM LTD” tərəfindən irəli sürülüb. Qiorqi Kurdadze “Tele-Radio Şirkəti Borjomi” MMC-nin kapitalında 35% payın sahibidir.
Bundan əlavə, “Mtavari Arxi”nin iki səhmdarı – Maquli Xarebava və Natia Jogiaşvili 0,2-0,2%-lik səhmlərini “BGIM LTD”yə verəcəklər.
Dəyişikliklər dövlət reyestrində qeydə alındıqdan sonra “Mtavari Arxi”nin səhmləri aşağıdakı kimi bölüşdürüləcək: “BGIM LTD” - 39,6%, Bakur Çaxaia - 37%, Sopio Liluaşvili - 12%, Qiorqi Rurua - 2,5%, Nikoloz Sisauri - 3%, “Gürcüstan Universiteti” MMC - 2%, “Omega Motor Group” MMC - 0,2%, “Omega Motors Tbilisi” MMC - 0,2%, Teymuraz Vasilidze - 1%, Mari Anna Rurua - 2,5%.
“Mtavari Arxi” 2019-cu ildə Nika Qvaramia tərəfindən təsis edilib. Bundan əvvəl o, “Rustavi 2” telekanalının baş direktoru olub. 2017-ci ilin martında Gürcüstanın Ali Məhkəməsi “Rustavi 2”ni iş adamı Kibar Xalvaşiyə təhvil verib, bundan sonra telekanalın o vaxtkı sahibləri Karamanişvili qardaşları Avropa İnsan Haqları Məhkəməsinə müraciət edərək Gürcüstan dövlətinin bu qərarının həyata keçirilməsinə qadağa qoyulmasını istəyiblər. Şikayətçi tərəf Gürcüstan məhkəmələrində mübahisəyə baxılarkən hüquqlarının pozulduğunu iddia edib. 2017-ci ilin martında Avropa Ədalət Məhkəməsi müvəqqəti tədbir tətbiq edərək, Ali Məhkəmənin qərarının icrasını dayandırıb. 2019-cu ilin iyulunda Avropa Məhkəməsi Avropa İnsan Hüquqları Konvensiyasının maddələrinin pozulmadığını bəyan edib. Nəticədə televiziya şirkəti Kibar Xalvaşinin mülkiyyətinə keçib.