Ռուսաստանի օկուպացիոն ուժերի ներկայացուցիչները Քարելիի մունիցիպալիտետի Դիրբի գյուղի մոտ ապօրինի ձերբակալել են Վրաստանի երկու քաղաքացու։ Այս մասին տեղեկությունը տարածել է Վրաստանի պետական անվտանգության ծառայությունը։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Տեղի իշխանությունների ներկայացուցիչները «Վրաստանի լուրերին» հայտնել են, որ չգիտեն ձերբակալվածների ինքնությունը և նրանց կալանավորման հանգամանքները։ Ցխինվալիի դե ֆակտո կառավարությունը միջադեպի մասին հայտարարություն չի տարածել։
Վրաստանի պետական անվտանգության ծառայությունից հայտնում են, որ դեպքի մասին տեղեկությունը ստանալուց հետո Եվրամիության դիտորդական առաքելության կողմից գործարկվող «թեժ գիծը» ակտիվացել է, և ապօրինի կալանավորման հերթական փաստի մասին տեղեկությունն անմիջապես զեկուցվել է միջազգային գործընկերներին և Ժնևում միջազգային քննարկումների համանախագահներին։
Օկուպացիոն գծի մոտ ապօրինի կալանքի փաստ է արձանագրվել նաև մեկ շաբաթ առաջ։ Ապրիլի 14-ին օկուպացված գյուղերի՝ Զեմո Արցևի և Օտրևիի շրջակայքում, օկուպացիոն ուժերի ներկայացուցիչները ձերբակալել են Վրաստանի երեք քաղաքացիների՝ 19-ամյա Օթար Տերաշվիլիին, 16-ամյա Թամազ Էցադաշվիլիին և 20-ամյա Վալերի Գյունաշվիլիին։ Ապրիլի 19-ին Ցխինվալիի դատարանը նրանց մեղավոր է ճանաչել այսպես կոչված պետական սահմանը խախտելու համար, պարտավորեցրել տուգանք վճարել և վտարել դե ֆակտո հանրապետությունից։
Ներկայում Ցխինվալիում օկուպացիոն ռեժիմի անօրինական կալանքի տակ են գտնվում Վրաստանի յոթ քաղաքացիներ։
«Ակտիվացվել են բոլոր առկա մեխանիզմները՝ հնարավորինս սեղմ ժամկետում ազատ արձակելու Վրաստանի ապօրինի ձերբակալված քաղաքացիներին։ Վրաստանի օկուպացված տարածքներում, ինչպես նաև օկուպացիոն գծի երկայնքով կատարված բոլոր ապակառուցողական գործողությունների պատասխանատվությունը կրում են Ռուսաստանի օկուպացիոն ուժերը»,- ասվում է Պետական անվտանգության ծառայության հայտարարությունում։
