Օկուպացված Ցխինվալիի դե ֆակտո դատարանը 8 ամսվա ազատազրկման է դատապարտել Գուգութիանթկարի գյուղի բնակիչ Ռամազ Բեգելուրիին, ով ապրիլի վերջին առևանգվել էր ռուսական օկուպացիոն ուժերի ներկայացուցիչների կողմից և մեղադրվում էր այսպես կոչված սահմանը խախտելու մեջ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ռամազ Բեգելուրիի բանտարկության մասին նրա մորը՝ Նորա Բեգելուրիին հայտնել են Վրաստանի պետական անվտանգության ծառայությունից։
«Մենք շատ ենք աշխատել այս հարցի շուրջ և կշարունակենք աշխատել, որ նա ժամանակին ազատ արձակվի։ [Ռամազ Բեգելուրին] հիվանդ է, նա ամենօրյա դեղորայքի տակ է։ Եթե դեղը չխմի, նոպայի մեջ կընկնի»,- «Մթավարի արխիին» ասել է Նորա Բեգելուրին։
40-ամյա Ռամազ Բեգելուրին արդեն հինգերորդ անգամ է գտնվում օկուպացիոն ուժերի ապօրինի կալանքի տակ։ Նրա վերջին ձերբակալությունը տեղի է ունեցել ապրիլի վերջին՝ Սուրբ Զատիկի տոնի նախօրեին։ Վրաստանի պետական անվտանգության ծառայությունը ապրիլի 29-ին հայտարարել է, որ ապօրինի օկուպացված Դիսևի գյուղի շրջակայքում Վրաստանի քաղաքացի է ձերբակալվել։ Ընտանիքի և համագյուղացիների տեղեկություններով՝ Ռամազ Բեգելուրին բռնվել է այն պահին, երբ նա գյուղի գերեզմանատանը մաքրում էր եղբոր գերեզմանը։
Ռամազ Բեգելուրին ձերբակալվել է օկուպացիոն ռեժիմի կողմից 2021 թվականի փետրվարի 2-ին։ Մարտի 31-ին Ցխինվալիի դատարանը նրան ճանաչել է սահմանախախտ և դատապարտել մեկ տարվա պայմանական ազատազրկման։ 2 ամիս ապօրինի ազատազրկումից հետո Վրաստանի քաղաքացին ապրիլի 1-ին ազատ է արձակվել և հանձնվել Վրաստանի կենտրոնական իշխանության ներկայացուցիչներին։ Ընտանիքի անդամների խոսքով՝ նրա ազատ արձակումից մեկ ամիս չէր անցել, երբ Ռամազ Բեգելուրին կոմայի մեջ է ընկել և ախտորոշվել է էպիլեպսիա։
Ներկայում Ցխինվալիի ռեժիմի անօրինական կալանքի տակ են մնում Վրաստանի 8 քաղաքացիներ։ Հունիսի 5-ին ռուսական լրատվամիջոցները հայտնել են, որ այսպես կոչված դատարանը 35-ամյա Գիորգի Մոսիաշվիլիին մեղավոր է ճանաչել «սահմանը» ապօրինի հատելու մեջ և դատապարտել երկու տարվա ազատազրկման։ Գիորգի Մոսիաշվիլին Սաչխերեի Պերևի գյուղի բնակիչ է։ 2023 թվականի հոկտեմբերի 31-ին նրան առևանգել են օկուպացված Սինագուրի գյուղի շրջակայքից։
