Ունենք գործիքներ՝ պատասխանատվության ենթարկելու բոլորին, ովքեր սահմանափակում են իրավունքները. Փրայս

«Մենք խորապես մտահոգված ենք։ Դուք լսել եք, որ մենք վերջին օրերին անընդհատ արտահայտում ենք այս տրամադրությունը: Սա խորը մտահոգություն է օրինագծի հնարավոր հետևանքների վերաբերյալ։ Այն հարվածելու է որոշ իրավունքների, որոնք կենտրոնական են Վրաստանի ժողովրդի ձգտումների մեջ դեպի ժողովրդավարություն, եվրաատլանտյան ինտեգրում և ավելի պայծառ ապագա: Այն կպիտակավորի և կլռեցնի Վրաստանի անկախ ձայներն ու քաղաքացիներին, ովքեր պարզապես ցանկանում են միասին աշխատել՝ կառուցելու ավելի պայծառ ապագա, ապագա, որը ինտեգրված է Եվրոպային, ապագա ժողովրդավարական և ազատ, որտեղ Վրաստանը անկախ և ինքնիշխան պետություն է:

Մենք շատ մտահոգ և անհանգստացած ենք, թե դա ինչ կարող է նշանակել վրաց ժողովրդի համար, բայց նաև այն պատճառով, որ Միացյալ Նահանգները տասնամյակներ շարունակ եղել է Վրաստանի գործընկերը։ Այն բանից հետո, երբ Վրաստանը հռչակեց անկախություն, ԱՄՆ-ը հենց այնտեղ էր՝ աջակցելով վրաց ժողովրդի ձգտումներին, և Վրաստանի անկախության սկզբնական շրջանում այդ ձգտումները որոշ դեպքերում ոչ այլ ինչ էին, քան գաղափար: Հետագա տասնամյակների ընթացքում Վրաստանի ժողովուրդն աշխատեց իրագործել այդ ձգտումները։ Նրանք ահռելի առաջընթաց են գրանցել այն ժողովրդավարության կառուցման գործում, որը նրանք ձգտում էին այդ վաղ օրերից, ինտեգրելով Վրաստանը եվրատլանտյան հանրությանը և ապահովելով, որ Վրաստանը մնա այդպիսին:

Սակայն, այժմ մենք տեսնում ենք մի օրինագիծ, որը հսկայական հետընթաց կլինի: Սա հետընթաց կլինի Վրաստանի ժողովրդի ձգտումների համար։ Սա հետընթաց կլինի ԱՄՆ-ի կարողության համար՝ շարունակելու գործընկեր լինել Վրաստանի ժողովրդի համար: Ով կողմ քվեարկի այս օրինագծին, մասամբ պատասխանատվություն է կրում վրաց ժողովրդի եվրաատլանտյան նկրտումներին սպառնալիք ստեղծելու համար։ Մենք դա չենք ուզում տեսնել:

Բացի ԱՄՆ-ից, Եվրամիությունից, ՄԱԿ-ից և ամենակարևորը վրաց ժողովրդից, Վրաստանի քաղաքացիական հասարակության խմբերը բոլորն էլ խիստ մտահոգիչ հայտարարություններ են արել այս օրինագծի վերաբերյալ»,- ասել է Նեդ Փրայսը:

Ըստ Պետդեպարտամենտի մամուլի խոսնակի, օրինագծի ընդունումը կարող է գոնե մասամբ վտանգել ԱՄՆ-ի և Վրաստանի միջև առկա գործընկերային հարաբերությունները։

«Ի վերջո, դա կլինի վրաց ժողովրդի և Վրաստանի կառավարության որոշումները։ Մենք մեծ հույս ունենք, որ Վրաստանի կառավարությունը կլսի վրաց ժողովրդին։

Վրացի ժողովուրդը հիմա շատ պարզ է խոսում։ Մենք շատ հստակ լսում ենք ձայները, որոնք լռում են արցունքաբեր գազով և այլ միջոցներով, որոնք օգտագործվում են սահմանափակելու խաղաղ հավաքների իրենց իրավունքն իրացնողներին։

Սա մտահոգություն է մեզ համար։ Մենք կարծում ենք, որ կարևոր է, որ կառավարություններն ամբողջ աշխարհում, այդ թվում, իհարկե, Թբիլիսին, լսեն իրենց ժողովրդին»:

Լրագրողը Նեդ Պրայսին հարցրել է, թե արդյո՞ք կա որևէ բան, որը խանգարում է ԱՄՆ-ին պատժամիջոցներ կիրառել Բիձինա Իվանիշվիլիի նկատմամբ, որի կուսակցությունը ստեղծում է նման օրենսդրություն և փորձում է պաշտպանել ռուսամետ ուղին:

«Ինչպես գիտեք, ես չեմ խոսում կոնկրետ անձանց կամ կազմակերպությունների մասին, որոնք կարող են ենթարկվել ԱՄՆ-ի կամ այլ պատժամիջոցների, բայց մենք մեր տրամադրության տակ ունենք մի շարք գործիքներ, որոնք թույլ են տալիս մեզ պատասխանատվության ենթարկել աշխարհի ցանկացած երկրում ցանկացած անձի, ով պատասխանատու է համընդհանուր ճանաչված մարդու սահմանափակման իրավունքի համար: Կան իրավասություններ, որոնք ամրագրված են տարբեր օրենքներում, կարգադրություններում, որոնք մենք ուշադիր կքննարկենք այս համատեքստում, ինչպես և ցանկացած այլ համատեքստում, պատասխանատվության ենթարկելու նրանց, ովքեր կարող են դեմ գնալ վրաց ժողովրդի ուզածին և ամենակարևորը՝ վրաց ժողովրդի ակնկալիքներին»,- ասել է Փրայսը։

Վրաստանի խորհրդարանը մարտի 7-ին, ընդդեմ համայնքային խմբերի, ընդդիմադիր կուսակցությունների, ԶԼՄ-ների և հասարակական կազմակերպությունների, միջազգային գործընկերների և իրավապաշտպան կազմակերպությունների կոչերի, 76 կողմ, 13 դեմ հարաբերակցությամբ առաջին ընթերցմամբ ընդունեց «Օտարերկրյա ազդեցության թափանցիկության մասին» օրենքի նախագիծը։ Նշված օրինագիծը, որը նման է Ռուսաստանում գործող օրենքին, նախատեսում է անկախ լրատվամիջոցների և քաղաքացիական հասարակության կազմակերպությունների սահմանափակում։ Ռուսթավելիի պողոտայում անցկացված բողոքի ակցիայի մասնակիցների դեմ իշխանությունները արցունքաբեր գազ և ջրցան մեքենաներ է կիրառել։ Իրավապահները վարչական կարգով բերման են ենթարկել 66 անձի՝ մանր խուլիգանության և ոստիկանության օրինական պահանջին չենթարկվելու մեղադրանքով։