Խորհրդարանի նախագահ Շալվա Պապուաշվիլին ասել է, թե քաղաքական կուսակցությունները ոչ կառավարական հատվածի միջոցով ֆինանսավորվում են անօրինական ճանապարհով, ինչը թափանցիկ չէ։ Նրա խոսքով՝ 2023 թվականի մարտին, երբ «Վրացական երազանքը» չկարողացավ ընդունել «օտարերկրյա գործակալների մասին» ռուսական օրենքը, վրաց ժողովրդից «խլեցին ավելին իմանալու իրավունքը»։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
«Կա «Դրոա» կուսակցություն, կա «Դրոա» ՀԿ։ Տեսեք նրանց հարաբերությունները միմյանց հետ՝ հիմնադիրը մեկն է, նրա անձնական հասցեում գրանցված և ամեն ինչ նույն է։ Արդյո՞ք այն ստանում է արտաքին ֆինանսավորում: Վերցնում է ոչ կառավարական կազմակերպությունը։ Ինչի՞ համար է օգտագործվում այս գումարը։ Կուսակցության։ Արդյո՞ք Վրաստանում թույլատրվում է արտաքին ֆինանսավորում կուսակցության համար։ Չի թույլատրվում. Արդյո՞ք սա օրենքի խախտում է։ Այո։ Թափանցի՞կ է։ Ոչ։ Սա խնդի՞ր է։ Այո, սա խնդիր է։ Այնուհետև՝ մարտին, վրաց ժողովրդին զրկեցին ավելին իմանալու իրավունքից, ովքեր ներգրավված են իրենց վրա ազդող որոշումների կայացման մեջ։ Այդ տեղեկությունը թաքցվել է վրաց ժողովրդից»,- ասել է Պապուաշվիլին խորհրդարանում իր ելույթի ժամանակ։
Խորհրդարանի նախագահի խոսքով՝ ընդդիմությունում միջոցներ ներգրավելու համար հասարակական կազմակերպությունների «սխեմաների» ստեղծումը մեծ ժողովրդականություն է վայելում, թեև դա չի բխում վրացական պետության շահերից։
«Ֆինանսավորումը որտեղի՞ց։ Արտերկրից, չէ՞: Նախ՝ դա արգելված է, երկրորդ՝ վրացական ո՞ր քաղաքականությունը պետք է իրականացվի արտաքին ֆինանսավորմամբ կուսակցություններում։ Բոլոր երկրներում արգելված է կուսակցությունների արտաքին ֆինանսավորումը։ Գիտե՞ք, թե երբ է առաջանում այս խնդիրը: Ինչու՞ ոչինչ չեք ասում պատժամիջոցներ կիրառելու մասին։ Կան երկրներ, որոնք շահագրգռված են, որ Վրաստանը երկկողմանի պատժամիջոցներ կիրառի Ռուսաստանի դեմ։ Դա չի բխում վրաց ժողովրդի շահերից։ Ինչո՞ւ եք լռում։ Որովհետև դուք գտնվում եք այդ ֆինանսավորման սխեմաների մեջ, այն երկրների ֆինանսավորման սխեմաներում, որոնք շահագրգռված են Վրաստանի դեմ պատժամիջոցներ կիրառելու մեջ։
Սա խնդիր է, սա արտաքին փողերի միջոցով վրացական քաղաքականության վրա ազդեցություն է, և դրանից պետք է հրաժարվել։ Չեղարկեք կեղծ հասարակական կազմակերպությունները, փակեք այն հաշիվները, որտեղ միջոցներ եք ստանում, ենթադրաբար, դրսից, և վերադարձեք վրացական քաղաքականություն։ Ոչ ռուսական, ոչ շվեդական, ոչ ամերիկյան, ոչ էլ որևէ այլ փող կապ չունի վրացական քաղաքականության հետ: Վրացական քաղաքականությունը պետք է ստեղծի վրաց ժողովուրդը և ֆինանսավորի վրացական բիզնեսը»,- ասել է Պապուաշվիլին:
«Գիրչի»-ի անդամ Ալեքսանդր Ռաքվիաշվիլին հաստատել է, որ կուսակցությունները ֆինանսավորվում են ոչ կառավարական կազմակերպությունների միջոցով։
«Բայց ո՞վ է կազմակերպել կուսակցությունների ֆինանսավորման միանգամայն աղետալի կանոնները, որոնց չի հետևում անգամ ձեր կուսակցությունը»,- դիմել է Ռաքվիաշվիլին խորհրդարանի նախագահին։ «Ինչո՞ւ եք եկել այն եզրակացության, որ ՀԿ-ները որոշ կուսակցությունների կողմից օգտագործվում են կուսակցության ֆինանսավորման համար։ Գանք նրան, որ կուսակցությունների ֆինանսավորման ձևը պետք է պարկեշտ լինի։ Քանի՞ ֆիկտիվ դոնոր ունի ձեր կուսակցությունը, երբ նվիրաբերում են 60-60 հազար։ Դուք ինքներդ կազմակերպել եք նման կարգ, որտեղ կուսակցությունների ֆինանսավորումը լեգալ կերպով անհնար է, հետո պայքարում եք այն բանի դեմ, որ ինչ-որ կուսակցություն՝ «Դրոան», ՀԿ է սարքել։ Դա աշխարհում ամենափոքր հանցագործությունն է, իմ կարծիքով»:
Միայն 2023 թվականի չորրորդ եռամսյակում «Վրացական երազանքը» նվիրատվությունների տեսքով ստացել է 9 464 000 լարի։ Սա այն դեպքում, երբ բոլոր ընդդիմադիր կուսակցությունների նվիրատվությունները կազմել են 699 787 լարի։ Իշխող կուսակցության դոնորների հետ առնչություն ունեցող 11 ընկերություններ 2023 թվականի երկրորդ կիսամյակում ավելի քան 200 մլն լարի արժողությամբ տենդերներ են հաղթել։ 2017-2021 թվականներին «Վրացական երազանքի» դոնորների հետ առնչվող 26 ընկերություններ գյուղատնտեսական պետական ծրագրերի շրջանակներում ստացել են ավելի քան 22 միլիոն լարիի ֆինանսավորում, իսկ 2021-2022 թվականներին՝ խաղողի բերքահավաքի սուբսիդավորման ծրագրի շրջանակներում՝ 5 ընկերություն մինչև 18 մլն լարի է ստացել։
