Գերմանիայի ակադեմիական փոխանակման ծառայության (DAAD) գիտնականներին նվիրված երեկոյին Ռուսթավելիի ազգային գիտական հիմնադրամի գլխավոր տնօրեն Թեյմուրազ Դոճվիրին ասել է, որ Վրաստան պետությունը եվրաինտեգրման ուղուց «մի վայրկյան անգամ» չի շեղվել և ներկաներին խնդրել է ծափահարություններով արձագանքել, եթե իրենք էլ են այդպես կարծում։ Դոճվիրիին ոչ ոք չի ծափահարել։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
«Ուզում եմ միանշանակ, ընդգծված կերպով պարոն դեսպանին [Գերմանիայի դեսպան Պիտեր Ֆիշերին - խմբ.] փոխանցել այն տեղեկությունը, որ Վրաստան պետությունը ոչ մի օր չի շեղվել եվրաինտեգրման ճանապարհից»,- Դոճվիրիի հայտարարությանը հաջորդել են կոչեր՝ «մեր տեսածին ենք հավատում», «համաձայն չենք», «ինչպե՞ս եք ձեզ թույլ տալիս», որից հետո գիտական հիմնադրամի ղեկավարը շարունակել է.
«Դուք ունեք ձեր կարծիքը։ Ապա խնդրում եմ, ահա այստեղ եք այն երիտասարդները, ովքեր ներկայացնում են Վրաստանի ապագան։ Եթե կիսում եք այն կարծիքը, որ ես ասում եմ ձեզ, որ պետությունն իսկապես ճիշտ ուղու վրա է և ոչ մի վայրկյան չի շեղվել այս ճանապարհից, ծափ տվեք և աջակցեք ինձ։ Պարզապես ծափահարեք ինձ, եթե այդպես եք կարծում»:
Այն բանից հետո, երբ ոչ ոք չի ծափահարել, Թեյմուրազ Դոճվիրին ուղղակիորեն դիմել է Գերմանիայի դեսպան Պիտեր Ֆիշերին. «Խնդրում եմ, երբ դուք քաղաքական հայտարարություններ եք անում, մենք ունենք պետության քաղաքական միջուկ, որի հետ կարող եք խորհրդակցել, բանավեճեր վարել և արտահայտել ձեր կարծիքը։ Ես միանշանակ կարծում եմ, որ Վրաստան պետությունը ոչ մի վայրկյան չի շեղվել եվրաինտեգրման ճանապարհից։ Ուստի, թվում է, թե ճիշտ տեղեկությունը ձեզ չի հասնում, և խնդրում եմ փոխեք կա՛մ թարգմանչին, կա՛մ խորհրդատուին»:
Գերմանիայի դեսպան Պիտեր Ֆիշերը կարծում է, որ այսպես կոչված «օտարերկրյա գործակալների» մասին ռուսական օրենքի ընդունումը հետընթաց քայլ է Վրաստանի եվրաինտեգրման ճանապարհին։ Նրա խոսքով, այս օրենքով Վրաստանը չի դառնա Եվրամիության անդամ, ոչ էլ անդամակցության բանակցություններ կսկսվեն։