«Ասել, թե Վրաստանում ազգային փոքրամասնության ներկայացուցիչները պետք է գումար վճարեն պետական լեզուն սովորելու համար, սխալ է, սուտ է»,- այս մասին խորհրդարանի հանձնաժողովների համատեղ նիստում հայտարարել է հաշտեցման և քաղաքացիական հավասարության հարցերով պետնախարարի թեկնածու Թեա Ախվլեդիանին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Ինչ վերաբերում է վրաց լեզվի ուսուցմանը, ապա այստեղ նույնպես ուզում եմ հանրությանը բացատրել՝ առանձին ասել, թե Վրաստանում ազգային փոքրամասնության ներկայացուցիչները պետական լեզուն սովորելու համար պետք է գումար վճարեն սխալ է, սուտ է։ Իմ նախարարության երեք տարիների ընթացքում, տարբեր ձևաչափերով, այդ թվում՝ հրապարակային, մենք խորությամբ քննարկում ենք այն հնարավորությունները, որոնք պետությունը տալիս է ազգային փոքրամասնությունների ներկայացուցիչներին կրթության յուրաքանչյուր մակարդակում՝ սկսած նախադպրոցական կրթությունից, միջնակարգ կրթության մակարդակը, մասնագիտական կամ բարձրագույն կրթությունը և ոչ ֆորմալ կրթությունը։ Իհարկե, այդ հնարավորությունները լիովին ազատ են և շատ բազմազան»,- ասել է Ախվլեդիանին։
Նրա խոսքով, «1+4 ծրագիրը» հայալեզու և ադրբեջանալեզու հայրենակիցներին հնարավորություն է տալիս ընդգրկվել վրացերենի ուսուցման մեկամյա անվճար ծրագրում՝ բարձրագույն ուսումնական հաստատությունում կրթություն ստանալու համար։
2010 թվականից էթնիկ փոքրամասնությունների ներկայացուցիչները հնարավորություն ունեն Վրաստանում բարձրագույն կրթություն ստանալ պարզեցված ձևով։ Պարզեցված համակարգը՝ այսպես կոչված «1+4 ծրագիրը» նախատեսում է հայերեն, ադրբեջաներեն, աբխազերեն, օսերեն լեզուներով ընդհանուր ունակությունների թեստի հանձնում և համապատասխան միավորներ հավաքելու դեպքում՝ բարձրագույն կրթություն ստանալու հնարավորություն։ Երիտասարդները 1 տարի անցնում են վրացերենի վերապատրաստման դասընթաց, ապա 60 կրեդիտ կուտակելու դեպքում ուսումը շարունակում են իրենց նախընտրած ֆակուլտետում։
«1+4» ծրագրի շրջանակներում նախապատրաստական բաժնում սովորելու համար տարեկան 100 էթնիկ ադրբեջանցիներ և 100 էթնիկ հայեր պետությունից ֆինանսավորում են ստանում, սակայն հարկ է նշել, որ այս ծրագրից օգտվող ուսանողների թիվը զգալիորեն գերազանցում է ծրագրի շրջանակներում ֆինանսավորման համար նախատեսված թվին:
Գնահատման և քննությունների ազգային կենտրոնի վիճակագրության համաձայն ՝ 2023 թվականին ավելի քան 400 հայալեզու դիմորդ և ավելի քան 1600 ադրբեջանալեզու դիմորդ հաջողությամբ հանձնել են ընդհանուր ունակությունների քննությունը:
Հետևաբար՝ բարձրագույն ուսումնական հաստատություններում ամենաբարձր միավոր հավաքած 100 ուսանողներից բացի, հարյուրավոր ուսանողներ ստիպված են 2 250 լարի վճարել պետական լեզվի ուսուցման մեկամյա ծրագրին անցնելու համար:
