Ռուսաստանի նախագահ Վլադիմիր Պուտինը, ինչպես սպասվում էր, կմասնակցի 2024 թվականի նախագահական ընտրություններին և կառաջադրվի հինգերորդ անգամ։ Այս տեղեկությունը նա այսօր հաստատել է Կրեմլում՝ Ռուսաստանի կողմից օկուպացված այսպես կոչված Դոնեցկի Ժողովրդական Հանրապետության խորհրդարանի նախագահ Արտյոմ Ժոգայի հետ հանդիպման ժամանակ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
«Մենք նրան խնդրեցինք մասնակցել ընտրություններին, ինչին ի պատասխան նա ասաց, որ ժամանակներն այլ են, դժվար, ծանր, բայց տվյալ պահին ինքը լինելու է ժողովրդի կողքին ու առաջադրվելու է։ Մենք շատ ուրախ ենք, որ նախագահը լսեց մեր խնդրանքը՝ առաջադրել իր թեկնածությունը, ողջ Ռուսաստանը նրան սատարում է»,- լրագրողներին ասել է Ժոգան։
Ռուսաստանում նախագահական ընտրությունները տեղի կունենան մարտին։ Կենտրոնական ընտրական հանձնաժողովի որոշմամբ՝ քվեարկությունը կանցկացվի երեք օր՝ մարտի 15-ից 17-ը։
Ազատազրկված ընդդիմադիր Ալեքսեյ Նավալնին և նրա թիմը կոչ են անում Ռուսաստանի քաղաքացիներին գնալ ընտրատեղամասեր և քվեարկել Պուտինի դեմ։
«Կասկած չկա, որ ընտրությունները լինելու են զավեշտ, իսկ վերջնական արդյունքները, ինչպես միշտ՝ կեղծվելու են։ Բայց ցանկացած, նույնիսկ ամենակեղծ ընտրության դեպքում կասկածներ են առաջանում։ Մարդիկ մտածում են՝ ով է իշխանությունում և ինչու է այնտեղ։ Ռուսական ընդդիմության, բոլոր ազնիվ քաղաքացիների խնդիրն է ողջ ուժով պատասխանել այս կասկածներին։ Քարոզ, բացատրություն այն փաստի, որ 24 տարի իշխանության ղեկին գտնվող 71-ամյա Պուտինը ևս 6 տարի չպետք է մնա։ Նա կվնասի Ռուսաստանին, պետք է գնա»,- ասել է Նավալնիի թիմը։
Պուտինի նախագահի պաշտոնավարման ժամկետը լրանում է հաջորդ տարվա մայիսի 7-ին։ 2020 թվականի սահմանադրական բարեփոխումների արդյունքում նրա նախագահական ժամկետը զրոյացվեց՝ թույլ տալով նրան ընտրվել ևս երկու անգամ՝ 2024 և 2030 թվականներին, և մնալ իշխանության մինչև 2036 թվականը։
Ուկրաինայում պատերազմի սկսվելուց հետո Հաագայի միջազգային քրեական դատարանը Պուտինին ձերբակալելու օրդեր է տվել։ ՌԴ նախագահը մեղադրվում է ռազմական հանցագործությունների մեջ։
