Վրաստանի պաշտպանության նախկին նախարար Ջուանշեր Բուրճուլաձեն հաստատել է, որ պատժամիջոցների ենթարկված ռուս օլիգարխ Վլադիմիր Եվտուշենկովի գործընկեր Դավիթ Խիդաշելին նշանակվել է իր խորհրդական։ Հավանաբար Խիդաշելիին հասանելի է եղել գաղտնի տեղեկություններ:
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Դավիթ Խիդաշելին որոշ ժամանակ եղել է իմ խորհրդականը։ Դուք գիտեք, որ մենք աշխատում էինք Դավիթ Գարեջիի գործով, Դավիթը նույնպես ներգրավված էր այս հարցում, և հենց այս հարցի առնչությամբ, եթե նա մեզ ինչ-որ բանի համար պետք լիներ, դիմելու էինք»,- «Մթավարի արխի»-ին ասել է Ջուանշեր Բուրճուլաձեն։
Հարցին, թե Խիդաշելին այսօր նույնպես աշխատո՞ւմ է որպես պաշտպանության նախարարի խորհրդական, Բուրճուլաձեն ասել է, որ «հավանաբար, այսօր չի աշխատում»։
«Մթավարիի» տեղեկություններով՝ իրենց ձեռք բերած փաստաթղթի համաձայն՝ Խիդաշելիի հետ վարչական պայմանագիր է կնքվել և նրա ամսական աշխատավարձը կազմել է 1000 լարի։
Պաշտպանության նախարարությունը պարզաբանել է, որ Դավիթ Խիդաշելին այս պահին գերատեսչությունում աշխատող չէ։
Խիդաշելին «Մթավարի արխի»-ին ասել է, որ Դավիթ Գարեջիի սահմանազատման հարցով խորհրդակցում էր Վրաստանի իշխանությունների հետ, թեև դրա համար երբեք աշխատավարձ չի ստացել։
Դավիթ Խիդաշելին 2007-2014 թվականներին եղել է ռուսական «Սիստեմ» կորպորացիայի փոխնախագահը։ «Սիստեմը» խոշոր կոնգլոմերատ է, որն աջակցում է Ղրիմի բռնակցմանը։ Այն ներառում է «Կրոնշադտ» ընկերությունը, որը 2021 թվականից արտադրում է ռազմական անօդաչու սարքեր և սպասարկում է Ռուսաստանի պաշտպանության նախարարությանը։
«Սիստեմայի» սեփականատերը Վլադիմիր Եվտուշենկովն է։ Ուկրաինայում պատերազմ սկսվելուց հետո նա պատժամիջոցների է ենթարկվել՝ Մեծ Բրիտանիայի, Ավստրալիայի, Ուկրաինայի, Նոր Զելանդիայի կողմից։ Եվտուշենկովը Պուտինի ամենամոտ մարդկանցից է։ 2023 թվականի նոյեմբերին հայտնի դարձավ, որ «Սիստեմը» պատժամիջոցների է ենթարկվել է Ամերիկայի Միացյալ Նահանգների կողմից։ ԱՄՆ գանձապետարանի արտաքին ակտիվների վերահսկողության գրասենյակի (OFAC) հայտարարության մեջ «Սիստեմը» նշվում է որպես ռուսական խոշորագույն հանրային դիվերսիֆիկացված հոլդինգային ընկերություններից մեկը։
Եվտուշենկովը և Վրաստանի նախկին վարչապետ Բիձինա Իվանիշվիլին մտերիմ հարաբերություններ ունեն։ 2022 թվականին, համացանցում տարածված գաղտնի ձայնագրության համաձայն՝ Դավիթ Խիդաշելին եղել է Եվտուշենկովի և Իվանիշվիլիի «մեսենջերը»։
Խիդաշելին այսպես կոչված քարտեզագիրների գործի գլխավոր դեմքն է։ Քարտեզը, որի վրա Վրաստանի դատախազությունը հիմնել է Դավիթ Գարեջիի վերաբերյալ ողջ մեղադրանքը, Դավիթ Խիդաշելին բերել է Ռուսաստանից։ Այս «վաստակի» համար նա արժանացել է Իվանիշվիլիի շնորհակալությանը։
«Վրացական երազանքի» 2020 թվականի նախընտրական քարոզարշավը հիմնված էր Դավիթ Գարեջիի գործի վրա։ Կառավարությունը ձերբակալել է Պետական սահմանների սահմանազատման և սահմանագծման հանձնաժողովի նախկին անդամներ Իվերի Մելաշվիլիին և Նատալյա Իլիչովային։ Նրանք մեղադրվում էին, թե իբր նախկին կառավարությունից ստացված հրամանի համաձայն՝ սահմանի Դավիթ Գարեջիին հարող հատվածը համաձայնեցվել է ի վնաս Վրաստանի շահերի, ինչի պատճառով Գարեջիի հուշարձանի և վանական համալիրի մի մասը հայտնվել է Ադրբեջանի հատվածում։ Վարչապետ Իրակլի Ղարիբաշվիլին ձերբակալված քարտեզագիրներին մեղադրել է դավաճանության մեջ և ասել, որ «Ազգային շարժումը», որը տարածքներ է փոխանցել ուրիշներին և իրականացրել հակազգային հանցագործություններ, պետք է վերացվի։
2022 թվականի ապրիլին Վրաստանի կառավարությունը 49 տարով Դավիթ Խիդաշելիի ընկերությանն է հանձնել 104 712 հեկտար անտառ Ռաճայում և Քվեմո Սվանեթիում՝ Ռուսաստանի սահմանի և Ռուսաստանի կողմից օկուպացված Ցխինվալիի շրջանի մոտ։ 2023 թվականի նոյեմբերին օրենքի խախտումների բացահայտումից, դատական գործերից և երկարատև բողոքի ակցիաներից հետո կառավարությունը չեղարկեց նշված որոշումը։
