Չնայած Ուկրաինա լայնածավալ ներխուժման պատճառով սահմանված պատժամիջոցներին, ռուսական ընկերությունները կարողացել են գնել Boeing-ի, Airbus-ի և այլ արտադրողների կողմից արտադրված ինքնաթիռների պահեստամասեր։ The New York Times-ը գրում է, որ գործի առնչությամբ երկու մարդ է ձերբակալվել։ Ամերիկյան ազդեցիկ լրատվականը նշում է նաև մեղադրյալներից մեկի անունը։ Նա ՌԴ քաղաքացի Օլեգ Փացուլիան է։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 4 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 5 Ժամը 17:00-ի դրությամբ ընտրողների մասնակցությունը 50,06 տոկոս է
- 6 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
Նախօրեին հրապարակված հոդվածի համաձայն՝ ինքնաթիռների պահեստամասերը ձեռ են բերել պատժամիջոցների ենթարկված «Աերոֆլոտ», «Պոբեդա», «Ուրալ», «Ռոսիա», UTair և S7 Airlines ավիաընկերությունները։ Առաքումները, տարբեր անհայտ ընկերությունների միջոցով, հիմնականում եղել են Արաբական Միացյալ Էմիրություններով, Չինաստանով, Թուրքիայով և Մալդիվներով, չնայած տասնյակ դեպքեր են եղել, երբ առաքումները կատարվել են անմիջապես ԱՄՆ-ից և Եվրոպայից:
Ըստ New York Times-ի ստացած տվյալների՝ 2022 թվականի մայիսից սկսած ութ ամսում Ռուսաստանի Դաշնություն է առաքվել ավելի քան 14,4 միլիոն դոլար արժողությամբ ամերիկյան արտադրության ավիացիոն պահեստամասեր։
Մայիսի 11-ին Արիզոնայի դատարանը ձերբակալել է Ռուսաստանի Դաշնության երկու քաղաքացիների՝ Օլեգ Փացուլիային և նրա բիզնես գործընկերոջը, որի անունն ու ազգանունը չի նշվում։ Նրանք մեղադրվում են ԱՄՆ արտահանման վերահսկողությունը խախտելու և փողերի լվացման մեջ։ Նրանք, հավանաբար, եղել են ռուսական ավիաընկերություններին թանկարժեք պահեստամասերի մատակարարման համաշխարհային ցանցի կազմակերպիչները։
Ուկրաինա Ռուսաստանի ներխուժումից հետո Միացյալ Նահանգները, մոտ 40 այլ երկրների կառավարությունների հետ համագործակցելով, պատժամիջոցներ է սահմանել Ռուսաստանի դեմ՝ սահմանափակելով Ռուսաստանի հասանելիությունը արևմտյան զենքերին, համակարգչային չիպերին, ինքնաթիռների պահեստամասերին և այլ տեխնոլոգիաներին, որոնք անհրաժեշտ են տնտեսության և պատերազմ ծավալելու համար: Պատժամիջոցները ազդել են նաև ավիաուղիներին, այդ թվում՝ խոշորագույն «Աերոֆլոտին», նրա դուստր ձեռնարկություն՝ «Ռոսսիային» և այլն։
Ինչպես գրում է New York Times-ը, ռուսական ավիաուղիների համար գնալով դժվարանում է շարունակել չվերթները առանց արևմտյան մատակարարողների հետ կապերի և Boeing-ի և Airbus-ի տեխնիկական աջակցության։
