Լրահոս

«Այն ամենը, ինչ կատարվում է այստեղ, ցույց է տալիս, որ «Վրացական երազանքը» վախենում է։ Առավոտյան, մինչ այստեղ գալս, տեսա, որ ՊԱԾ-ի շենքի բակում հատուկ ջոկատայիններ կան, հարյուրավոր ոստիկաններ են մոբիլիզացված։ Երեկ արտակարգ հայտարարություն է արվել, որ բացի հեռուստատեսային լրատվամիջոցներից ոչ ոք չպետք է մտնի խորհրդարանի շենք։

Նախ, ռուսական այս օրենքը վերաբերում է այն առցանց լրատվամիջոցներին, որոնք գոյություն ունեն հիմնականում միջազգային կազմակերպությունների աջակցությամբ։ Խորհրդարանը պետք է գոնե ֆիկտիվ կերպով մեզ ներս թողնի ու լսի, միգուցե ես չեմ գոռում, բայց ապրիորի վախենում են, վախկոտ են։ Նրանք մեզ ներս չեն թողնում, որպեսզի մենք չկարողանանք մեր ձայնը լսելի դարձնել, բայց մենք այստեղ կկանգնենք այնքան ժամանակ, քանի դեռ չենք դադարեցրել այս օրենքի ընդունումը»,- ասել է «Մթիս Ամբեբիի» խմբագիր Գելա Մթիվլիշվիլին։

«Պահանջում ենք իշխանություններից նույն ուղղությունը տան այս ռուսական օրինագծին, որը տվել էին անցյալ տարի, հետ կանչեն։ Անհնար է, որ վրաց հասարակությունը ընտելանա, որ զուտ ռուսական ոճով, մաքուր սովետական ​​ոճով մարդկանց նշում են որպես գործակալ, հետո սկսում են հալածել ու սպանել։ Վրաստանում դա անհնար է»,- նշել է «Պուբլիկայի» խմբագիր Զուրաբ Վարդիաշվիլին։

Հանրահավաքի ընթացքում հնչում են «Ո՛չ ռուսական օրենքին», «ստրուկներ», «ռուսներ» վանկարկումները։ Ցուցարարները պարզել են ԵՄ մեծ դրոշը։

«Մենք կարող ենք լինել այն սերունդը, որը մի քանի տարում այս երկիրը կմտցնի Եվրամիություն, կամ կարող ենք լինել այն սերունդը, որը ականատես կլինի, թե ինչպես է այս երկիրը դառնալու Ռուսաստանի գավառ և վերածվելու կովկասյան Բելառուսի։ Ուստի այստեղ կանգնելը արտոնություն է, և մենք մինչև վերջ կփորձենք թույլ չտալ ընդունել այս օրենքը, կամ գոնե այն գործընթացները, որոնք հիմա սկսվում են Վրաստանի խորհրդարանում, պետք է շատ թանկ արժենան»,- ասել է Ազգային բանկի նախկին նախագահ Գիորգին Քադագիձեն։

«Նրանք խոստացել են, որ երբեք չեն վերադառնա այս օրենքին, և սա դավաճանություն է բնակչության նկատմամբ։ Մի քանի օր առաջ տեսած վերամիավորումից հետո հիմնական լիցը, որ մեր հասարակությունն այսքան տարի չի ունեցել, որ մեզ միավորել էր ֆուտբոլը, բոլորը իրար սիրեցին, գրկախառնվեցին և ուրիշ հույսեր առաջացան, հասարակությունը կրկին պառակտվեց։ Կարծում եմ՝ չպետք է համակերպվել դրա հետ»,- ասել է դերասան Կախա Կինծուրաշվիլին։

Ակցիային միացել են նաև ուսանողները։

«Վրացական երազանքը» վերադարձրեց և պատրաստվում է մինչև ընթացիկ նստաշրջանի ավարտը ընդունել այսպես կոչված օտարերկրյա գործակալների մասին օրենքի նախագիծը, որը մերժվել էր մեկ տարի առաջ՝ հանրային լայնածավալ բողոքի ակցիաների արդյունքում։ Այն ժամանակ իշխանության կողմից եղել էր խոստում, որ օրինագիծն «անվերապահորեն, առանց որևէ պայմանի» է հետ կանչվել խորհրդարանից։ Օրենքի նախագծի տեքստը նույն է՝ միայն «օտարերկրյա ազդեցության գործակալ»-ը փոխարինվել է «օտար ուժի շահերը կրող կազմակերպություն» եզրույթով։ Ռուսական օրենքը քննադատության է ենթարկվել Ամերիկայի Միացյալ Նահանգների, Եվրամիության, Մեծ Բրիտանիայի, ՆԱՏՕ-ի, ՄԱԿ-ի և ԱՄՆ Միջազգային զարգացման գործակալության (USAID) կողմից։ Նրանք կարծում են, որ նման օրենքը Վրաստանին կշեղի եվրոպական ուղուց, բացասաբար կանդրադառնա անկախ հասարակական և լրատվական կազմակերպությունների աշխատանքի վրա։