«Բոլորին զարմացրել է իր տեսակետն արտահայտող անձի վրա հարձակումը։ Նա շատ կիրթ մարդ է։ Գիտնականները միշտ չէ, որ համաձայն են որոշակի դիրքորոշումների հետ, բայց մենք հարգում ենք կրթությունը: Վրացիները գիտեն, որ այս ռուսամետ ապատեղեկատվությունը վաղուց է շարունակվում, իսկ վերջին շրջանում այն շատացել է ու դարձել ավելի ագրեսիվ։ Նպատակը վրացիներին պառակտելն է: Սա այն հիմնական տարրերից մեկն է, որն այդքան բևեռացրել է երկիրը՝ ապատեղեկատվության մշտական ալիքը, որը կազմակերպվում է ռուսամետ ուժերի կողմից, որոնք փորձում են շփոթեցնել հանրությանը, որպեսզի մարդիկ չհասկանան, թե որն է ճիշտ կամ սխալ»,- «Վրաստանի լուրերին» տված հարցազրույցում ասել է ԱՄՆ դեսպան Քելի Դեգնանը Կվարելիում ռուսամետ «Ալտ Ինֆո» կուսակցության անդամների կողմից Լևան Բերձենիշվիլիի դասախոսությունը խափանելու վերաբերյալ։
Լրահոս
Ընթերցողի ընտրանի
- 1 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 2 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
«Հիմա, երբ Վրաստանը անհավանական հնարավորություն ունի, նման ուժերը հզորանում են, և նրանք փորձելու են Վրաստանը հեռացնել այս ճակատագրից, որը, կարծում եմ, Եվրոպան է։ Վրաստանը պետք է հստակ ցույց տա իր ձգտումը դեպի այն ուղղությունը, որով գնում է դարեր շարունակ։
Վրացական մշակույթները հիմնված են այս ընդհանուր արժեքների վրա՝ ազատություն և անկախություն, հարգանք մարդու իրավունքների և նաև հարգանք միմյանց նկատմամբ։ Հուսով եմ, որ ռուսամետ ուժերի այս շատ ագրեսիվ փորձի ֆոնին վրացիները կվերականգնեն իրենց հավասարակշռությունը»,- ասել է դեսպանը։
«Պահպանողական շարժում/Ալտ Ինֆո»-ի մոտ 20 անդամներ հունվարի 15-ին Կվարելիում Լևան Բերձենիշվիլիին թույլ չեն տվել հանրային դասախոսություն անցկացնել՝ «Իլիան, մեր եվրոպացի հայրը» խորագրով։ Ռուսամետ կուսակցության ներկայացուցիչները փակել են «Կվարելի եվրոակումբի» մուտքի ճանապարհը և թույլ չեն տվել Լևան Բերձենիշվիլիին մտնել շենք։ Հանրահավաքի մասնակիցները բղավել են, որ «Լևան Բերձենիշվիլին դավաճան է և Կախեթին չի ընդունի Էրեկլե թագավորին վիրավորելու պատճառով»։
Տեղում գտնվող ոստիկանները չեն փորձել բացել ճանապարհը և չեն կասեցնել խուլիգանությունը։
2022 թվականի մայիսին Լևան Բերձենիշվիլին քննադատել է Քարթլի-Կախեթիի թագավոր Էրեկլե II-ին՝ 1783 թվականին Ռուսաստանի հետ Գեորգիևյան դաշնագիրը ստորագրելու համար։ Բերձենիշվիլին հարցազրույցներից մեկում ասել է. «Մինչև Էրեկլե թագավորին դավաճան չհայտարարեն, Իրակլի Ղարիբաշվիլին դուրս կգա ու կասի՝ «պատերա՞զմ եք ուզում»։ Դե, Էրեկլեն էլ է դա ասել՝ ի՞նչ է, դուք պատերազմ եք ուզում, այ մարդ։ Նա մարտիկ էր, 80 պատերազմ էր հաղթել։ Ես պատերազմ չէի ուզում, ոչ ոք դա չէր ուզում, բայց որ հանձնեց ամբողջ Վրաստանը, երբ վերահսկում էր միայն Կախեթիին, ո՞վ էր իրեն տվել դրա իրավունքը։ Իր իսկ ծոռն է նրան գրել՝ ո՞վ է քեզ թույլ տվել դա։ Չեն լսել։ Բարաթաշվիլիին չեն լսում»։
Բերձենիշվիլիի հայտարարությունից հետո պետիցիա շրջանառվեց՝ ստորագրողները պահանջում էին նրան արգելել ուսանողների համար դասախոսություն անցկացնել։ Մայիսի 28-ին Թելավիում՝ Էրեկլե Երկրորդի պալատի մոտ, տեղի է ունեցել «թագավորին պաշտպանելու համար» ցույց, որին մասնակցել են Թելավի պետական թատրոնի աշխատակիցները, «Ալտ Ինֆո»-ի ակտիվիստներն ու պետական ծառայողները։ Բերձենիշվիլիի լուսանկարները փակցվել են թագավորի պալատի հարևանությամբ գտնվող զուգարանի դռան վրա։
