Պատվիրակության հետ օկուպացված Աբխազիա է ժամանել Ռուսաստանի փոխվարչապետ և 2012-2020 թվականների էներգետիկայի նախարար Ալեքսանդր Նովակը։ Նա եղել է Գագրայում և Բիճվինթայում, այցելել Սոխումիի օդանավակայան, որից հետո հանդիպել է դե ֆակտո նախագահ Ասլան Բժանիային։
Լրահոս
Ընթերցողի ընտրանի
- 1 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 ԿԸՀ-ի դիմումի հիման վրա կառավարությունը հոկտեմբերի 25-ը հայտարարել է ոչ աշխատանքային օր
- 6 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
Ռուսաստանի կառավարական պատվիրակությունն այցելել է Բիճվինթայում գտնվող տարածքը, որտեղ մինչև 2026 թվականը նախատեսվում է բացել «Մոսկվա Ռեզորթ» հյուրանոցային համալիրը` 46,5 հեկտար տարածքով։ Նախագծի արժեքը 31 միլիարդ ռուբլի է։ Տեղական լրատվամիջոցների փոխանցմամբ՝ «Մոսկվա Ռեզորթ» հյուրանոցի հատվածում կկառուցվի 450 համար և երկարաժամկետ վարձակալության 2334 ապարտամենտ։ Հյուրանոցային համալիրի տարածքը կունենա երկու կիլոմետրանոց լողափ։ Ըստ ռուս ներդրողների՝ այն տարեկան ընդունելու է ավելի քան 200 հազար զբոսաշրջիկի։
Ալեքսանդր Նովակը շնորհակալություն է հայտնել Ասլան Բժանիային Աբխազիա հրավիրելու համար, իսկ Բժանիան նշել է, որ Աբխազիայի ղեկավարությունն ու քաղաքացիները մեծ հույսեր են կապում նրա այցի հետ։
«Աբխազիան, Սոխումին մեր ռազմավարական գործընկերն է ինչպես արտաքին քաղաքական գործունեության, այնպես էլ առևտրատնտեսական համագործակցության զարգացման առումով։ Ռուսաստանը նպաստում է Աբխազիայում ենթակառուցվածքային նախագծերի իրականացմանը և ֆինանսական կայունությանը։ Մեր առևտրատնտեսական շրջանառությունն ավելանում է՝ նախորդ տարի այն աճել է 73 տոկոսով։ Կարծում եմ, որ սա սահմանը չէ, քանի որ տարբեր ուղղություններով մեծ ներուժ կա. առաջին հերթին զբոսաշրջությունն է, նոր նախագծերը, որոնք կարող են իրականացվել զբոսաշրջիկներին գրավելու համար, և օդանավակայանի աշխատանքի վերականգնումն է զբոսաշրջային հոսքն ապահովելու համար»,- ասել է Նովակը այսպես կոչված նախագահ Ասլան Բժանիայի հետ հանդիպման ժամանակ։
Ռուսաստանի փոխվարչապետի խոսքով՝ առաջիկայում նախատեսվում է «միջկառավարական համաձայնագիր» ստորագրել Սոխումիի միջազգային օդանավակայանի վերականգնման վերաբերյալ։
Ռուսական պատվիրակության կազմում են եղել․ Իգոր Մասլովը՝ Ռուսաստանի նախագահի աշխատակազմի ղեկավար օտարերկրյա պետությունների հետ միջտարածաշրջանային և մշակութային հարաբերությունների հարցերով, Դիմիտրի Վոլվաչ՝ Տնտեսական զարգացման փոխնախարար, Եվգենի Գրաբչակ՝ էներգետիկայի փոխնախարար, Միխայիլ Բաբիչ՝ Ռազմատեխնիկական համագործակցության դաշնային ծառայության տնօրեն։
