Ռուսաստանի՝ «Հացահատիկային համաձայնագրից» դուրս գալուց հետո առաջին անգամ երեք բեռնատար նավ՝ ՆԱՏՕ-ի ինքնաթիռների հսկողության ներքո ճեղքել է Սև ծովում Ռուսաստանի սահմանած շրջափակումը։ Այդ մասին գրում է Forbes-ը։ Հրատարակության տվյալներով՝ նավերից մեկը գրանցված է Հունաստանում, երկրորդը՝ Իսրայելում, իսկ երրորդը թուրք-վրացական ծագում ունի։ Հուլիսի 30-ին նավերը բարձվել են ուկրաինական ցորենով Իզմայիլ նավահանգստային քաղաքում, որը գտնվում է Ուկրաինայի հարավում՝ Ռումինիայի մոտ, Դանուբ գետի ափին, և ճանապարհ են ընկել դեպի այլ արտասահմանյան նավահանգիստներ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Իսրայելական Ams 1-ը և հունական Sahin 2-ը Բոսֆորի նեղուցով մտել են Սև ծովի ջրեր, իսկ թուրք-վրացական Yilma Kaptan-ը Թուրքիայի հյուսիսից մեկնել է Պորտ Իզմայիլ:
Ըստ Marine Traffic կայքի՝ հուլիսի 21-ին Վանուատուի դրոշով Yilma Kaptan գտնվել է Փոթիի նավահանգստում։
Ինչպես գրում է Forbes-ը, բեռնատար նավերի վրայով պարեկում էին ՆԱՏՕ-ի առնվազն չորս ռազմական ինքնաթիռ՝ ԱՄՆ ռազմածովային ուժերի P-8 պարեկային ինքնաթիռներ, ամերիկյան Challenger և RQ-4, ՆԱՏՕ-ի վաղ արձագանքման ինքնաթիռներ՝ E-3 նույնպես։ Ընդհանուր առմամբ, նրանցից ոչ մեկը զենք չի կրում, թեև ռումինական սահմանի մոտ եղել են նաև մարտական ինքնաթիռներ։
«Պատերազմի ուսումնասիրման ինստիտուտը» (ISW) հաստատում է ուկրաինական նավահանգստային քաղաքի ուղղությամբ երեք բեռնատար նավերի սահուն տեղաշարժը։ Ամերիկյան կազմակերպությունն ամենօրյա զեկույցում գրել է, որ ռուսական ուժերը կարծես թե չեն ցանկանում կամ չեն կարողանում բռնի կերպով կանգնեցնել և խուզարկել չեզոք նավերը, որոնք Ուկրաինա մեկնում են Սև ծովով: Նավերը կարող են նկատել ցանկացած ոք, ով ունի ինտերնետ հասանելիություն:
«Հուլիսի 30-ին հրապարակված ծովային նավիգացիոն պատկերը ցույց է տվել, որ երեք քաղաքացիական նավեր նավարկում են Ուկրաինայի ուղղությամբ՝ պահպանելով բոլոր կանոնակարգերը, այդ թվում՝ գործող ավտոմատ նույնականացման համակարգը (AIS): Միգուցե Ռուսաստանը չունի բավարար ռեսուրսներ նման վերահսկողության համար կամ չի ցանկանում դա անել»,- ասվում է ISW զեկույցում։
Հուլիսին Ռուսաստանի իշխանությունները դուրս եկան Ուկրաինայի, Թուրքիայի և ՄԱԿ-ի հետ կնքված «Հացահատիկի համաձայնագրից», որը թույլ էր տալիս Ուկրաինային ցորեն արտահանել, որից հետո Ռուսաստանի պաշտպանության նախարարությունը հայտարարել է, որ հուլիսի 20-ից Սև ծովում գտնվող բոլոր նավերը, որոնք մեկնում են ուկրաինական նավահանգիստներ, դիտարկում են որպես ռազմական բեռների պոտենցիալ փոխադրողներ։
Մինչ «Հացահատիկի համաձայնագրից» Ռուսաստանի դուրս գալը, նավերը ուկրաինական ցորեն էին առաքում հիմնականում Օդեսայի նավահանգստից։ Իզմայիլի նավահանգիստը նրա համեմատ շատ ավելի փոքր է, և, հետևաբար, ուկրաինական կողմին դժվար կլինի փոխարինել երկրի ամենամեծ նավահանգիստներից մեկը, թեև լրատվամիջոցներում տարածված տեղեկատվությունը պարզում է, որ այս կերպ հնարավոր է ցորեն արտահանել։
