Միջազգային իրավապաշտպան Human Rights Watch (HRW) կազմակերպությունը հայտարարում է, որ Վրաստանը չպետք է ընդունի օրենք, որը քրեական պատիժներ կսահմանի քաղաքացիական ակտիվիստների և ոչ կառավարական խմբերի դեմ, ովքեր հրաժարվում են գրանցվել որպես «օտարերկրյա գործակալներ»:
Լրահոս
Ընթերցողի ընտրանի
- 1 Իռլանդիայից արտաքսվել է Վրաստանի 32 քաղաքացի
- 2 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 3 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 4 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 5 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 6 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
Ըստ Human Rights Watch-ի՝ «Վրացական երազանքն» ասում է, որ օրինագիծը ԱՄՆ Օտարերկրյա գործակալների գրանցման ակտի (FARA) ճշգրիտ պատճենն է, սակայն ԱՄՆ արդարադատության նախարարության կանոնակարգի համաձայն՝ FARA-ն նպատակ ունի վերահսկել արտաքին ուժերի անմիջական ազդեցությունը ներքին քաղաքականության վրա, հատկապես այն դեպքերում, երբ օտարերկրյա ֆինանսավորում ունեցող կազմակերպությունները գործում են ոչ թե անկախ, այլ ամբողջությամբ իրենց տնօրենների ցուցումներով և համակարգմամբ:
Ավելին, ըստ Human Rights Watch-ի՝ FARA-ն օտարերկրյա ֆինանսավորում ստանալը չի նույնացնում օտարերկրյա կազմակերպության ղեկավարության և վերահսկողության տակ գտնվելու հետ: Ինչպես նշում է իրավապաշտպան կազմակերպությունը, «Վրացական երազանքի» օրինագծում օտարերկրյա տնօրենի «ազդեցության» չափազանց լայն սահմանումը թույլ է տալիս այն չարաշահել անկախ խմբերի դեմ։
«Այս օրենքը, եթե ընդունվի և ուժի մեջ մտնի, անկախ ակտիվիստներին և խմբերին կտա կեղծ ընտրություն՝ ընդունել օտարերկրյա գործակալի անհիմն և խարանիչ պիտակը, բախվել բանտարկության կամ արտաքսման սպառնալիքի, կամ ընդհանրապես հրաժարվել իրենց աշխատանքից: Սա կարող է նշանակել Վրաստանում անկախ քաղաքացիական հասարակության ավարտը։ Կառավարությունը Վրաստանին ավելի խորն է գցում մարդու իրավունքների ճգնաժամի մեջ», - ասում է իրավապաշտպան կազմակերպության Եվրոպայի և Կենտրոնական Ասիայի բաժնի տնօրեն Հյու Ուիլյամսոնը:
Օրինագծի վերջնական քվեարկությունը նախատեսված է մարտի 31-ի շաբաթվա ընթացքում: Ըստ «Վրացական երազանքի» խորհրդարանի նախագահ Շալվա Պապուաշվիլիի, դրա ընդունումից հետո Հակակոռուպցիոն բյուրոն կուսումնասիրի յուրաքանչյուր կազմակերպություն, որը արտերկրից թեկուզ 1 ցենտ կստանա:
Որպես «օտարերկրյա գործակալ» գրանցվելուց հրաժարվելը և օրենքով սահմանված այլ պահանջներ չկատարելը կպատժվի տուգանքով՝ մինչև 10 000 լարի և/կամ մինչև 5 տարվա ազատազրկմամբ։
Անկախ հասարակական կազմակերպությունները նշում են, որ «Վրացական երազանքը» երրորդ անգամ է փորձում ընդունել ռուսական օրենքը և իրենք կանեն ամեն ինչ, որպեսզի այն երրորդ անգամ չկիրառվի։
