Խորհրդարանի նախագահ Շալվա Պապուաշվիլիի խոսքով՝ Մյունխենի անվտանգության համաժողովում Վրաստանը կներկայացվի բարձր՝ արտաքին գործերի նախարարի մակարդակով, իսկ նախագահ Սալոմե Զուրաբիշվիլին միջոցառմանը «մասնավոր անձ» կլինի։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 6 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
«Մյունխենում նա միայն իրեն է ներկայացնելու, Վրաստանը չի ներկայացնելու։ Սա մասնավոր անձի ներկայությունն է այնտեղ և ևս մեկ անգամ ցույց է տալիս, որ նրան չի հետաքրքրում Վրաստանի Սահմանադրությունը, վրացի ժողովուրդը։ Նա կարծում է, որ Վրաստանը իր նստավայրի հետնաբակն է, որտեղ նա կարող է անել այն, ինչ ցանկանում է», - ասել է Պապուաշվիլին։
Խորհրդարանի խոսնակը նախագահին մեղադրել է արմատականացման և երկիրը վարկաբեկելու մեջ։ Նրա խոսքով՝ առանց կառավարության թույլտվության Մյունխեն մեկնելը դրա օրինակներից մեկն է:
«Սրա միակ նպատակը Վրաստանի միջազգային հեղինակությունը խարխլելն է։ Նա հետևում է «Ազգային շարժման» ու նրանց հովանավորների սահմանած գծին»,- նախագահի մասին ասել է Շալվա Պապուաշվիլին։
Մյունխենի անվտանգության համաժողովը, որն աշխարհի առաջատար ֆորումն է, կանցկացվի փետրվարի 16-18-ը։ Մինչ միջոցառման մեկնարկը, հրապարակվել է համաժողովի զեկույցը, որտեղ Վրաստանի նախկին վարչապետ, իշխող «Վրացական երազանք» կուսակցության պատվավոր նախագահ Բիձինա Իվանիշվիլին հիշատակվում է որպես «ռուսամետ օլիգարխ» և նշվում է, որ նա է պատասխանատու Վրաստանի ժողովրդավարական ետընթացի համար։
Համաժողովին կմասնակցի Վրաստանի արտաքին գործերի նախարար Իլիա Դարչիաշվիլին։ Բացի այդ, համաժողովին պատրաստվում է մասնակցել նաև Սալոմե Զուրաբիշվիլին, ով, ըստ իր վարչակազմի, պաշտոնապես հրավիրվել է այնտեղ։
2023 թվականին Մյունխենի անվտանգության համաժողովին Վրաստանի պատվիրակությունը մասնակցել է այն ժամանակվա վարչապետ Իրակլի Ղարիբաշվիլիի գլխավորությամբ։ Պատվիրակության կազմում էին արտաքին գործերի նախարար Իլիա Դարչիաշվիլին, պաշտպանության նախարար Ջուանշեր Բուրճուլաձեն և կառավարության վարչակազմի ղեկավար Ռևազ Ջավելիձեն։