ԱՄՆ Սենատը սատարել է Վրաստանում դեսպանի պաշտոնում Ռոբին Դունիգանի նշանակմանը։ Նա կփոխարինի Քելի Դեգնանին, ով իր իրավասությունները Վրաստանում կատարում էր 2020 թվականից։
Լրահոս
Մինչև դեսպան նշանակվելը Դաննիգանը զբաղեցրել է ԱՄՆ պետքարտուղարի Եվրոպայի և Եվրասիայի հարցերով բյուրոյի փոխտեղակալի պաշտոնը:
Մինչ այդ նա Ավստրիայի դեսպանատան գործերի ժամանակավոր հավատարմատարն էր և առաքելության ղեկավարի տեղակալը։
Տարբեր ժամանակներում նա զբաղեցրել է էներգետիկայի բյուրոյի փոխօգնականի պաշտոնը և աշխատել Վիետնամում, Չիլիի, Թուրքիայի, Կուբայի և Սալվադորի ԱՄՆ դեսպանատներում։
Ռոբին Դաննիգանը Կալիֆոռնիայից է: «Ազգային պատերազմի քոլեջում» ստացել է գիտությունների մագիստրոսի կոչում։ Բացի այդ, նա գիտությունների մագիստրոսի կոչում է ստացել Ջորջթաունի համալսարանից և գիտության բակալավրի աստիճան Բերքլիի Կալիֆորնիայի համալսարանից: Տիրապետում է անգլերենին, իսպաներենին և գերմաներենին:
Փետրվարի 13-ին ԱՄՆ նախագահ Ջո Բայդենը Վրաստանում ԱՄՆ արտակարգ և լիազոր դեսպանի պաշտոնում առաջադրել է Ռոբին Դանիգանի թեկնածությունը։
Սենատի լսումների ժամանակ Դաննիգանը ասել է, որ կենտրոնանալու է չորս առաջնահերթությունների վրա՝ ներառյալ Վրաստանի եվրաինտեգրումը և Վրաստան-ԱՄՆ տնտեսական հարաբերությունների խորացումը:
