Այսօր պաշտոնական այցով Թբիլիսի կժամանեն դեմոկրատ սենատոր Ջին Շահինը և հանրապետական կոնգրեսական Մայք Թերները։ Ամերիկայի Միացյալ Նահանգների հայտարարության մեջ նշվում է, որ Շահինը և Թերները կհանդիպեն Վրաստանի կառավարության, քաղաքացիական հասարակության, մասնավոր հատվածի և քաղաքական կուսակցությունների ներկայացուցիչների հետ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
«Սենատոր Ջին Շահինը և կոնգրեսական Մայք Թերներն այսօր պաշտոնական այցով կմեկնեն Վրաստան։ Ուրախ ենք հյուրընկալելու նրանց։ Երկկուսակցական այցի շրջանակներում նրանք կհանդիպեն Վրաստանի կառավարության, քաղաքացիական հասարակության, մասնավոր հատվածի և քաղաքական կուսակցությունների ներկայացուցիչների հետ։ Նաև սենատորն ու կոնգրեսականը կծանոթանան ներքին տեղահանվածներին, ձեռնարկատերերին և ուսանողներին աջակցող ԱՄՆ կառավարության ծրագրերին։ Միացյալ Նահանգները շարունակում է լիովին ներգրավված և հավատարիմ աջակցել Վրաստանի ժողովրդին և նրա եվրաատլանտյան ձգտումներին», - ասված է դեսպանության հայտարարության մեջ։
Ջին Շահինի և Մայք Թերների այցին նախորդում է նախագահ Ջո Բայդենի նամակը, որն ուղարկվել է նախագահ Սալոմե Զուրաբիշվիլիին, որտեղ նա իր հիասթափությունն է հայտնում «Վրաստանի կառավարության հակաժողովրդավարական գործողությունների պատճառով»։ Որպես հակաժողովրդավարական գործողությունների օրինակ Բայդենը բերում է Կրեմլի ոճով «օտարերկրյա գործակալների» օրենքը և վրացական կառավարության պաշտոնյաների կեղծ հայտարարությունները։
