Շրջակա միջավայրի պահպանության և գյուղատնտեսության նախարարության Շրջակա միջավայրի ազգային գործակալությունը 10 օրը մեկ 9 կայաններում կիրականացնի Սև ծովի ջրի որակի մոնիտորինգ։ Գործակալությունն այս որոշումը բացատրում է հանրային բարձր հետաքրքրությամբ։ Մինչ այժմ ջրի որակը ստուգվում էր ամիսը մեկ անգամ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Հետազոտության արդյունքում որոշվում են ծովի ջրի հիմնական ֆիզիկաքիմիական պարամետրերը, այդ թվում՝ աղիությունը, ինչպես նաև կենսագեն տարրերը և այլ ցուցանիշները։ Վերցված նմուշները վերլուծության կուղարկվեն Շրջակա միջավայրի ազգային գործակալության մթնոլորտային օդի ջրի և հողի վերլուծության լաբորատորիա։
«Լաբորատորիան հագեցած է բարձր տեխնոլոգիական գործիքներով, ինչը նշանակում է, որ այդ գործիքներն ունեն տարբեր բաղադրիչներ բարձր ճշգրտությամբ որոշելու հնարավորություն։ Ամենակարևորն այն է, որ լաբորատորիան հավատարմագրված լինի ISO 17025 միջազգային ստանդարտի համաձայն»,- ասել է լաբորատորիայի ղեկավար Էլինա Բաքրաձեն։
Շրջակա միջավայրի ազգային գործակալությունը նշում է, որ վերլուծությունների արդյունքների մասին հանրությունը կտեղեկացվի լաբորատոր ուսումնասիրությունների ավարտից անմիջապես հետո։ Հունիսի 19-ի դրությամբ ծովի ջրի որակը ափի ողջ պարագծով եղել է նորմայի սահմաններում։
Սև ծովում ջրի որակի վերաբերյալ հարցեր են բարձրացվել Ուկրաինայի Խերսոնի մարզի Նովա Կախովկայի տարածքում Ռուսաստանի կողմից վերահսկվող հիդրոէլեկտրական ամբարտակի պայթյունից հետո: Հունիսի 6-ին ամբարտակի փլուզման հետևանքով Դնեպր գետը վարարել է և էկոլոգիական աղետի պատճառ դարձել։ Կախովկա ՀԷԿ-ի ջրամբարում մոտ 18 մլն խմ ջուր կար։
Ուկրաինայի Ազգային անվտանգության և պաշտպանության խորհրդի արտակարգ նիստում հայտարարվել է, որ հեղեղումների գոտում հայտնաբերվել է 80 բնակավայր։ Առնվազն 150 տոննա շարժիչի յուղ է թափվել գետը և ավելի քան 300 տոննայով ավելանալու վտանգ կա։
Ռուսաստանն ու Ուկրաինան միջադեպի համար մեղադրում են միմյանց։ Երկու կողմերն էլ պնդում են, որ ՀԷԿ-ը վերականգնման ենթակա չէ։
