Սուսերամարտի ֆեդերացիան Բազաձեի պարտության համար բողոք է ներկայացրել միջազգային ֆեդերացիային

«Հասարակության մի ստվար զանգված կարծում է, որ Փարիզի Օլիմպիական խաղերում Սանդրո Բազաձեն հավանաբար ճնշվել է մրցավարների կողմից։ Դա կիսում է և՛ ֆեդերացիան, և՛ ցանկացած մարդ, ով գիտելիք ունի սուսերամարտի ոլորտից և

Ուզում ենք նշել, որ ոչ միայն վճռորոշ միավորը, այլև Սանդրոյի՝ մրցակցին հասցրած 5 հարվածները նույնպես գրանցվել են մրցակցի հաշվին։

Ըստ այդմ, ֆեդերացիան բողոք-նամակ է պատրաստել, որն ուղարկվել է Սուսերամարտի միջազգային ֆեդերացիայի մրցավարական հանձնաժողովի նախագահին»,- հայտնել են Սուսերամարտի ֆեդերացիայից։

Վրացի սուսերամարտիկ Սանդրո Բազաձեն ավարտել է ելույթները Փարիզում անցկացվող XXXIII օլիմպիական խաղերում։ 1/8 եզրափակիչում նրա մրցակիցը եգիպտացի Մոհամեդ Ամերն էր, ով մրցավարի որոշմամբ հաղթեց 15:14 հաշվով։

Հուլիսի 27-ին օլիմպիական խաղերում մրցեցին վրացի չորս մարզիկներ։ Նրանցից երեքը՝ ձյուդոիստ Գիորգի Սարդալաշվիլին, լողորդ Անա Նիժարաձեն և սուսերամարտիկ Սանդրո Բազաձեն պարտվել են։ Հրաձիգ Նինո Սալուկվաձեն դեռ շանսեր ունի մեդալ նվաճելու։

Վրաստանը 2024 թվականի Փարիզի Օլիմպիական խաղերին ներկայացված է 28 մարզիկներով։