საქართველოს ფარიკაობის ფედერაციამ პარიზის ოლიმპიადაზე მოფარიკავე სანდრო ბაზაძის, სავარაუდოდ, მსაჯების მხრიდან დაჩაგვრის გამო ფარიკაობის საერთაშორისო ფედერაციის მსაჯთა კომისიის პრეზიდენტს საჩივრის წერილით მიმართა. ფედერაციის განცხადებით, წერილში აღნიშნულია ყველა გარემოება, რომლის მიხედვითაც სანდრო ბაზაძის მიმართ სავარაუდო უსამართლობას ჰქონდა ადგილი.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„საზოგადოების დიდი ნაწილი თვლის, რომ პარიზის ოლიმპიადაზე სანდრო ბაზაძე, სავარაუდოდ, მსაჯების მხრიდან დაიჩაგრა. აღნიშნულს იზიარებს როგორც ფედერაცია, ასევე ფარიკაობაში გათვითცნობიერებული ნებისმიერი პირი და
გვინდა აღვნიშნოთ, რომ არა მხოლოდ გადამწყვეტი ქულა, არამედ სანდროს მიერ მიყენებული 5 დარტყმაც მოწინააღმდეგეს ჩაეთვალა.
შესაბამისად, ფედერაციამ მოამზადა საჩივრის წერილი, რომელიც ფარიკაობის საერთაშორისო ფედერაციის მსაჯთა კომისიის პრეზიდენტს გადაეგზავნა“, - განაცხადეს ფარიკაობის ფედერაციაში.
ქართველმა მოფარიკავემ, სანდრო ბაზაძემ XXXIII ოლიმპიურ თამაშებზე, რომელსაც პარიზი მასპინძლობს, ასპარეზობა დაასარულა. მერვედფინალში მისი მეტოქე ეგვიპტელი მოჰამედ ამერი იყო, რომელმაც, მსაჯის გადაწყვეტილებით, შეხვდრა 15:14 მოიგო.
27 ივლისს, ოლიმპიადაზე ოთხმა ქართველმა სპორტსმენმა იასპარეზა. მათგან სამი - ძიუდოისტი გიორგი სარდალაშვილი, მოცურავე ანა ნიჟარაძე და მოფარიკავე სანდრო ბაზაძე თამაშებს გამოეთიშნენ. ტყვიის მსროლელ ნინო სალუქვაძე მედლის მოპოვების შანსი კვლავ აქვს.
საქართველო პარიზის 2024 წლის ოლიმპიადაში 28 სპორტსმენით მონაწილეობს.
