Շվեյցարիայում խաղաղության գագաթնաժողովին մասնակցող 80 երկրներ և չորս միջազգային կազմակերպություններ հավանություն են տվել համատեղ կոմյունիկեին, որում ասվում է, որ ՄԱԿ-ի կանոնադրությունը, ներառյալ բոլոր պետությունների տարածքային ամբողջականության և ինքնիշխանության հարգման սկզբունքները, հիմք են հանդիսանում Ուկրաինայում խաղաղության հասնելու համար։
Լրահոս
Ընթերցողի ընտրանի
- 1 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 2 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
Կոմյունիկեի կողմնակիցների թվում են Եվրամիության 27 երկրներ, Ուկրաինան, ԱՄՆ-ը, Մեծ Բրիտանիան, Թուրքիան, Վրաստանը, Ֆինլանդիան, Մոլդովան, Լեհաստանը, ինչպես նաև Եվրախորհրդարանը։ Սաուդյան Արաբիան, Թաիլանդը, Հնդկաստանը, Մեքսիկան, Հարավային Աֆրիկան և Արաբական Միացյալ Էմիրությունները չեն ստորագրել կոմյունիկեն։
Կոմյունիկեն ստորագրողները հայտարարում են, որ ունեն ընդհանուր տեսլական հետևյալ կարևոր հարցերի շուրջ.
- Ուկրաինայի ատոմակայանները, ներառյալ Զապորոժյեի ատոմակայանը, պետք է գործեն Ուկրաինայի վերահսկողության ներքո և Ատոմային էներգիայի միջազգային գործակալության (IAEA) սկզբունքներին և վերահսկողությանը համապատասխան: Ուկրաինական պատերազմի համատեքստում միջուկային զենքի ցանկացած սպառնալիք կամ կիրառում անընդունելի է։
- Ուկրաինայի գյուղատնտեսական արտադրանքը պետք է ապահով և ազատ առաքվի շահագրգիռ երրորդ երկրներ։ Սննդի անվտանգությունը չի կարող օգտագործվել որպես զենք։ Ուկրաինայի մուտքը դեպի Սև և Ազովի ծովերի նավահանգիստներ պետք է վերականգնվի։
- Բոլոր ռազմագերիները պետք է ազատ արձակվեն ամբողջական փոխանակման դիմաց: Բոլոր արտաքսված և անօրինական տեղահանված ուկրաինացի երեխաները և ապօրինի ձերբակալված մյուս ուկրաինացի քաղաքացիները պետք է վերադարձվեն Ուկրաինա։
Բացի այդ, կոմյունիկեն ստորագրողները կարծում են, որ խաղաղության հասնելու համար անհրաժեշտ է երկխոսություն բոլոր կողմերի միջև։
Հունիսի 15-16-ը կայացած խաղաղության գագաթնաժողովին մասնակցել է շուրջ 100 երկիր։ Ռուսաստանը միջոցառմանը հրավիրված չի եղել, իսկ Չինաստանը, չնայած Ուկրաինայի հրավերին, ձեռնպահ է մնացել մասնակցությունից։
«Չինաստանը շատ լուրջ պետություն է և լուրջ տնտեսություն, որը քաղաքական և տնտեսական ազդեցություն ունի Ռուսաստանի վրա։ Չինաստանն իսկապես ազդեցություն ունի, և ես հավատում եմ, որ այն կարող է օգնել մեզ: Ընկերները նրանք են, ովքեր օգնում են ձեզ դժվարության ժամանակ: Ես կցանկանայի, որ Չինաստանը լիներ Ուկրաինայի բարեկամը»,- ասել է Ուկրաինայի նախագահ Վլադիմիր Զելենսկին։
Գագաթնաժողովում Վրաստանը ներկայացրել է նախագահ Սալոմե Զուրաբիշվիլին։ Ինչպես նա է ասել՝ ուկրաինացիների փորձությունները վրացիներին անհայտ չեն, և Վրաստանը նույնպես զոհ է Ռուսաստանի իմպերիալիստական նկրտումներին։
«Մենք դեռևս տառապում ենք Աբխազիայի և Ցխինվալիի շրջանների օկուպացիայի հետևանքով հասցված մարդասիրական վնասներից։ Հասկանալի է, որ Ուկրաինայի պատերազմը մեկուսացված հակամարտություն չէ, դա Ռուսաստանի ապակառուցողական քաղաքականության շարունակությունն է իր հարևանների նկատմամբ։ Այդ իսկ պատճառով մենք փորձում ենք երկարաժամկետ, կայուն խաղաղություն գտնել և ձեռք բերել Ուկրաինայում»,- ասել է Սալոմե Զուրաբիշվիլին։
