Խորհրդարանի անդամ և «Տարածաշրջանները հանուն Վրաստանի» քաղաքական շարժման հիմնադիր Տարիել Նակաիձեն խորհրդարանական ընտրություններից առաջ միացել է Դավիթ Քացարավայի ստեղծած «Մենք» կուսակցությանը։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Ինչպես այսօր կայացած ճեպազրույցում է ասել Դավիթ Քացարավան, Տարիել Նակաիձեն հանրությանը հայտնի է էթնիկ և կրոնական փոքրամասնությունների խմբերի հետ աշխատելու իր փորձով։ «Այս միասնությամբ մենք մտնում ենք շատ կարևոր ընդհանուր պայքարի մեջ»,- ասել է Քացարավան։
Տարիել Նակաիձեն նույնպես հայտարարություն է արել։ Նրա խոսքով՝ Վրաստանի խորհրդարանում «Մենքը» կներկայացնի բնակչության այն հատվածը, որը ճնշված է, և որի ձայնը լսելի չէ օրենսդիր մարմնում։
«Այս քաղաքական համախմբումով ընտրություններին մասնակցությունը շատ կարևոր է, և կարծում եմ, որ մենք շատ լուրջ սիներգիա կստեղծենք։ Կոչ եմ անում բոլորին՝ մեր ընտրողներին, աջակցել այս միությանը, գունավորել 23 թիվը»,- ասել է Նակաիձեն։
«Հակաօկուպացիոն շարժման» առաջնորդ Դավիթ Քացարավան օգոստոսին հիմնել է «Մենք» քաղաքական կուսակցությունը։ Կուսակցության անդամների թվում են փաստաբան Միխեիլ Ռամիշվիլին, կոնֆլիկտաբան Ակիա Բարբաքաձեն և դերասան Կախա Գոգիձեն։
Խորհրդարանական ընտրությունները տեղի կունենան հոկտեմբերի 26-ին՝ 5 տոկոս ընտրական շեմով։ Ընտրողները համամասնական ընտրակարգով չորս տարի ժամկետով կընտրեն Վրաստանի խորհրդարանի 150 պատգամավորի։
